HPAJI NINGLI 12:5 - Jinghpaw Common Language Bible 2009

⁵ Nang gaw tsaw ai shara ni hpe hkrit na rai ndai, lam hkawm ai mung hkrit tsang shara tai na ra ai. Na a kara ni hpraw wa nna na a hkum hpe maga mi de du hkra dasang tsam mari rai hkrawn sa wa lu na ndai. Na a ra sharawng mayu ai myit yawng htum mat na ra ai. Anhte gaw anhte a jahtum na bansa shara de sa wa nga ga ai; shing rai nmaw lam ni hkan sharung shayawt ai gaw nga nga na ra ai.

Jinghpaw Hanson Version Bible

⁵ Gaja wa, masha gaw dai shaloi e tsaw ai shara hpe hkrit nna, lam hkan e hkrithpa hkrum na tsang na mara ai; lahkyang hpun pu hpraw wa nna, hkagrit garu ai n ji ai hte, shi myit kayut ai lam sim wa na ra ai: kaning rai nme law, shinggyim masha gaw shi a htani htana prat dingsa nta de sa wa magang nna, sharung shayawt ai ni gaw, mare lam hkan e kahkrang hkawm nga ma ai:

HPAJI NINGLI 12:5 ပူးပေါင်းရင်းမြစ်များ

NINGPAWT NINGHPANG 42:38

Rai ti mung, Yaku gaw, “Nye a kasha gaw nanhte hte rau yu sa lu na n rai; shi a kahpu mung si mat salu ai, shi langai chyu sha ngam sai. Hkrun lam e shi hta lama ma mung byin hkrum chye nga ai. Ya ngai asak kaba ugut gu ni ai rai nna, ngai hpe yawn hkyen ai amu shabyin nna sat kau na myit dai,” ngu nna tsun wu ai.

NINGPAWT NINGHPANG 44:29

Ya mung ndai langai mi hpe nanhte ngai kaw na woi mat wa nhtawm shi hta nhpru nmai ai lam lama ma byin ai rai yang, ngai dingla ni ai hte maren nanhte ngai hpe yawn hkyen jahkrum nna sat kau na myit dai,’ ngu nna tsun mi ai.

YOBA 15:10

Anhte gaw na nwa a shawng e shangai nna dingla baw hpraw sai ni kaw na hpaji byeng-ya sharin la saga ai.

YOBA 17:13

Nye a myit mada shara gaw katsan ga sha rai nga ai, dai nsin shara hta ngai yup kaleng taw nga na nngai.

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

GA SHAGAWP 16:31

Asak galu ugut gu ai gaw ding hpring ai a kumhpa rai nna; baw hpraw ai gaw arawng sadang hte seng ai janmau rai nga ai.

GA SHAGAWP 20:29

Ramma ni a n-gun atsam hpe anhte yu kabu ai hte baw hpraw ugut gu ai ni hpe hkungga lara ga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

YEREMIA 1:11

Dai Madu gaw ngai hpe, “Yeremia e, nang hpa mu n ta?,” ngu nna san wu ai. Ngai chyawm gaw, “Batan hpun lakung langai,” ngu nna htan we ai.

YEREMIA 9:16

Ngai gaw shanhte mung, shanhte a kaji kawa ni mung n na yu ai amyu ni a ka-ang e, shanhte hpe shabra kau ai hte shanhte hpe atsai awai shamyit kau ai aten du hkra shanhte hpang de hpyen luksuk ngai shangun dat na nngai,” ngu nna htan wu ai.

JAW JAU 19:32

“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.