HPAJI NINGLI 12:4 - Jinghpaw Common Language Bible 2009

⁴ Nang gaw nmaw lam hkan garu ai nsen hpe na na n rai, na a ana ni lahpang mat na ra ai. Htumrin nsen hte mahkawn mangoi dum ai nsen hpe ayak ahkak rai na lu ti mung, u ngoi ai nsen gaw nang hpe yup sharawt na ra ai.

Jinghpaw Hanson Version Bible

⁴ Lam chyinghka ni la da nga nna, mam rin ai nsen yawm nga ai; dai shaloi masha gaw, u ngoi ai nsen na jang, rawt nna, mahkawn mangoi ai shayi ma ni a nsen kaji wa na ra ai;

HPAJI NINGLI 12:4 ပူးပေါင်းရင်းမြစ်များ

2 SAMUELA 19:35

Ngai gaw asak matsat shi ning du nga sali ai; dai rai yang, pyaw hpa lam loi mi mung ngai hpe jaw ya lu sana n rai; lu ai sha ai mung chye chyim lu na n rai; yu ngwi shayi shadang sha ni a mahku nsen ni hpe na lu na nngai n rai. Ngai mahtang madu hkawhkam hpe lit mi a shali she rai na ra ai law.

YOBA 41:14

Nyin jahkrit lu ai awa grup grup rawng ai shi a shakap ni hpe kadai wa mahka shangun lu a ta?

ESAIA 47:2

Htumrin nlung gang kayin u! Shadung rin u! Na a myi man magap sumpan gun kau u! Reng ai na a hpun palawng ni hpe raw kau u! Hka rap na matu na a labu shalun u!

YEREMIA 25:10

Ngai gaw shanhte a kabu gara jahtau ai nsen, mani pyaw ai nsen, kabu gara ai hkungran poi lusha sha ai nsen ni hpe jasim kau na we ai. Shanhte a pyengdin ni a matu wan sau lu na mara ai n rai, dai sha n-ga, lusha hpa mung nga na ra ai n rai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.