HPAJI NINGLI 12:2 - Jinghpaw Common Language Bible 2009

² Ajan, shata hte shagan ni a nhtoi gaw na a matu sin mat wa na ra a, marang sumwi gaw galoi mung lai mat wa na ra ai n rai.

Jinghpaw Hanson Version Bible

² ajan hte ahtoi, shata hte shagan ni, garai n sin mat nna, sumwi ni marang jahtu ai hpang e garai n mung wa yang, shi hpe dum u:

HPAJI NINGLI 12:2 ပူးပေါင်းရင်းမြစ်များ

NINGPAWT NINGHPANG 27:1

Ya, Isak dingla wa nna myi amam wa wu ai majaw myi n mu lu nu ai. Shi a shadang sha kaba Esaw hpe shaga la nhtawm, “Ngai sha e,” ngu nna tsun wu ai. Shi mung, “Rai sa, nang e nga nga nngai,” ngu nna htan wu ai.

NINGPAWT NINGHPANG 48:10

Yaku gaw asak kaba nu ai majaw myi amam nna, atsawm sha n mu lu wu ai. Yosep mahtang ma yan hpe shi hpang de woi sa ya ai majaw shi shan hpe ahpum let pup wu ai.

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 77:16

Karai Kasang e, hka hpung ni nang hpe mu ai shaloi, dai ni nang hpe hkrit nga ma ai; panglai hka a sung ai shara hkan na hka ni mung kanawng nga ma ai.

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

YOELA 3:15

Ajan hte shata sin mat wa nna, shagan ni loi mi mung htoi na ra ai n rai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

1 SAMUELA 3:2

Lana mi na aten hta, ganoi noi myi n mu wa sai Eli gaw shi a gawk hta yup nga ai;

1 SAMUELA 4:15

(Dai shaloi Eli gaw asak jahku shi matsat ning du sai rai nna, ganoi noi myi n mu hkyen nga nu ai.)

1 SAMUELA 4:18

Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.