HPAJI NINGLI 12:11 - Jinghpaw Common Language Bible 2009

¹¹ Hpaji rawng ai ni a ga ni gaw sagu ni hpe lam woi na matu sagu rem ni lang ai majawn hte bung nga ai rai nna ka mahkawng da ai ga shagawp ni gaw dit jung da ai hpri masen zawn grin nga ai. Dai ni gaw anhte yawng a sagu Rem ai Wa, Karai Kasang a lata hku jaw ya ai ni rai nga ai.

Jinghpaw Hanson Version Bible

¹¹ Hpaji rawng ai wa a ga gaw, majawn hte bung nga ai: sagu rem wa langai sha jaw da ai hte, masha hpung ni hpe shadum jahprang chye nna, htawn tsun ai sara ni a ga gaw, dit jung da ai hpri masen hte bung nga ai.

HPAJI NINGLI 12:11 ပူးပေါင်းရင်းမြစ်များ

NINGPAWT NINGHPANG 49:24

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai.

EZRA 9:8

O Madu anhte a Karai Kasang e, nang gaw ya hkring mi sha pyi, anhte nkau mi hpe mayam kaw nna shalawt dat nhtawm ndai chyoi pra ai shara hta shim lum ai hte shanu nga na chyeju anhte hpe jaw da nit dai. Nang chyawm gaw anhte hpe mayam kaw nna shalawt la ai hte asak nnan jaw ya mani ai.

SHAKAWN KUNGDAWN 23:1

Dai Madu gaw sagu rai nga ai ngai hpe rem ai wa rai nga ai; ngai hta ra kadawn ai lam yawng mayawng hpe ngai hkam la lu nga nngai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

GA SHAGAWP 1:6

shing rai, shanhte gaw ga shagawp a makoi magap da ai lachyum ni hte hpaji rawng ai masha ni san ai manghkang ni hpe chye na lu ma ai.

GA SHAGAWP 10:21

Mai kaja ai masha wa a ga matsun gaw, masha law law hpe akyu chyeju hpe hkam la shangun nga ai; angawk ai lam gaw tinang hkum hpe asak jasum kau ya lu nga ai.

GA SHAGAWP 22:17

Ngai nang hpe sharin achyin ya na, dai hpaji rawng ai masha ni a tsun sharin shaga da ai ga ni hpe, madat u. Shanhte a sharin shaga ai ga matsun ni hpe hka ja u.

HPAJI NINGLI 10:12

Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

HPAJI NINGLI 7:5

Myit n su ai masha ni nang hpe shakawn kungdawn ai nsen hpe hkam la na hta hpaji rawng ai masha ni nang hpe daru sharin shaga ai hpe hkam la na gaw grau kaja nga ai.

ESAIA 22:23

Ngai gaw shi hpe sumprat langai zawn ngang ngang dawk jung da na nngai, shi gaw shi a dinghku ting a arawng sadang a hka hpawk tai na ra ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

YEREMIA 23:29

Nye a mungga gaw wan zawn mung, nlung ni hpe adup ga ai sumdu zawn mung rai nga ai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

YAWHAN 3:10

Yesu gaw, “Nang gaw Israela masha ni hta sara kaba langai wa mi ting rai da nhtawm, ndai lam nang n chye n ni?

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

2 KORINHTU 10:4

Anhte a majan gasat ai hta lang ai laknak ni gaw mungkan shinggyim masha ni lang ai baw laknak n rai, ngang kang ai hpyen dap ni hpe jahten kau lu ai Karai Kasang a n-gun atsam hte hpring ai laknak ni rai nga ai. Anhte gaw n teng n man ai ndang kalang ga ni hpe jahten kau ga ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.