HPAJI NINGLI 12:10 - Jinghpaw Common Language Bible 2009

¹⁰ Dai Sumru Ninghkrin wa gaw shalan shabran ga ni hpe tam shakut yu wu ai, rai ti mung, shi ka ai ga ni gaw teng man nga ai.

Jinghpaw Hanson Version Bible

¹⁰ Bai Tara Hkaw Sara gaw, htaphtuk ai sumtu ga hte, kangka ai myit hte ka da nga sai, tengman ai ga hpe mung, sawk manaw yu nga ai.

HPAJI NINGLI 12:10 ပူးပေါင်းရင်းမြစ်များ

GA SHAGAWP 10:32

Ding hpring ai masha ni gaw shi tsun shaga ang ai lam hpe chye nga ai; tara n lang ai ni chyawm gaw tut nawng e, masin achyaw ga hpe atsun nga ai.

GA SHAGAWP 15:23

Ra ahkyak ai aten hta ra ahkyak ai ga hpe tsun shaga lu ai gaw gade wa kabu gara shara rai nga a hka!

GA SHAGAWP 15:26

Dai Madu gaw n hkru n shawp ai myit mang lam ni hpe n dawng nga ai; ngwi ngawn ai ga ni hpe chyawm gaw shi awng sharawng nga ai.

HPAJI NINGLI 1:1

Ndai ni gaw Yerusalem hta hkawhkam galaw ai Dawi a kasha, Sumru Ninghkrin wa tsun ai ga ni rai nga ai.

HPAJI NINGLI 1:12

Ngai, Sumru Ninghkrin wa gaw Yerusalem hta, Israela a ntsa e hkawhkam tai lai wa ni ai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.