HPAJI NINGLI 12:1 - Jinghpaw Common Language Bible 2009

¹ Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

Jinghpaw Hanson Version Bible

¹ Na a brang ram prat e, na a Hpan Wa Ningsang hpe mung adum nga u: “Dai nhtoi ni hpe ngai n ra ni ai,” nga nna myit ru myit ra ai nhtoi ni garai n du ai hte, shaning ni garai n ni wa yang;

HPAJI NINGLI 12:1 ပူးပေါင်းရင်းမြစ်များ

NINGPAWT NINGHPANG 39:2

Dai Madu gaw Yosep hte rau nga nga ai rai nna shi hpe awng dang shangun wu ai.

NINGPAWT NINGHPANG 39:23

Dai Madu gaw Yosep hte rau rai nga nna shi galaw ai amu shagu hta shi hpe awng dang shangun wu ai majaw htawng agyi wa gaw Yosep hte seng ai amu langai mi mung hkan yu ra wu ai n rai.

2 SAMUELA 19:35

Ngai gaw asak matsat shi ning du nga sali ai; dai rai yang, pyaw hpa lam loi mi mung ngai hpe jaw ya lu sana n rai; lu ai sha ai mung chye chyim lu na n rai; yu ngwi shayi shadang sha ni a mahku nsen ni hpe na lu na nngai n rai. Ngai mahtang madu hkawhkam hpe lit mi a shali she rai na ra ai law.

2 SAMUELA 19:36

Dai zawn kaba la ai shagrau kumhpa hpe n hkam la ging nga nngai. Dai re ai majaw Yawdan hka wora hkran de nang hpe loi mi hkan sa dat na de ai.

1 HKAWHKAM 14:13

Israela amyu masha ni yawng shi hpe sharung shayawt ma ai hte makoi mayang na mara ai. Shi chyu sha dai Madu Israela a Karai Kasang a awng sharawng hkrum nga ai wa re majaw Yeroboam a dinghku masha ni hta na shi chyu sha htap htuk ai hku makoi mayang ai hkrum na rai wu ai.

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

YOBA 30:2

Shanhte gaw hki ba ai masha majaw mi rai nga ma ai, nye a matu amu galaw ya na nau wa n-gun kya nga ma ai.

SHAKAWN KUNGDAWN 119:55

Madu e, shana na aten ngai nang hpe myit dum nga nna; na a tara lam ni hpe ngai myit sumru yu nga nngai.

SHAKAWN KUNGDAWN 34:11

Nye a rau ram manang ni e, wa marit nye a ga hpe madat mu; dai Madu hpe shagrau sha-a na lam ngai nanhte hpe sharin ya na nngai.

SHAKAWN KUNGDAWN 63:6

Ngai yupku ntsa e kaleng nga ai shaloi nang hpe dum nga nngai; nang ngai hpe tut nawng karum la nga nit dai majaw

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

GA SHAGAWP 22:6

Ma kaji hpe shi gara hku hkan mai nga ai lam hta sharin ya u; shaloi shi gaw dai hpe shi a asak prat tup adum nga na ra ai.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

HPAJI NINGLI 11:10

Nang gaw hpa lam a majaw mung myit n ru, shing nrai n machyi hkra shangun u ga. Nang gaw aten grai na hkra ramma tai nga lu na ndai n rai.

HPAJI NINGLI 11:2

Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.

HPAJI NINGLI 11:8

Nang shaning shagu asak hkrung nga lu ndai hpe chyeju dum u. Nang kade na hkra mi nga ai rai tim, nang si na nhtoi naw galu nga ai hpe adum nga u. Du na ra ai lam hpe ra sharawng gaw kaman lila sha rai nga ai.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

SHARUNG SHAYAWT 3:27

Anhte a ram prat e, ndai myit galu ai hpe sharin la na gaw mai kaja htum nga ai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 18:16

Rai ti mung, Yesu gaw ma kaji ni hpe shaga let, “Ma ni hpe ngai hpang de sa shangun maru, shanhte hpe hkum shadang myit, hpa majaw nga yang, Karai Kasang a Mungdan gaw dai zawn re ai ni a mungdan rai nga ai.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.

1 SAMUELA 2:26

Dai ma Samuela chyawm gaw matut kaba wa nna dai Madu a man e mung, masha a man e mung myi man pa nga ai.