HPAJI NINGLI 11:5 - Jinghpaw Common Language Bible 2009

⁵ Karai Kasang gaw chyip makup galaw da sai amu hpe mung, gawngli ai numsha a hkritung e asak ningnan kaning rai byin wa ai lam nang chye na ai hta jan nna shi kaning rai galaw ai hpe mung, nang chye lu na ndai n rai.

Jinghpaw Hanson Version Bible

⁵ Nbung bung wa ai lam hte, gawng li ai num a hkritung e nrut nra ni kaning rai byin wa ai hpe, nang n chye lu ai zawn, yawng mayawng hpe hpan da ai Karai Kasang a magam bungli hpe mung, nang n chye lu ndai.

HPAJI NINGLI 11:5 ပူးပေါင်းရင်းမြစ်များ

YOBA 37:23

Karai Kasang a daru magam n-gun gaw grai galu kaba nga ai rai nna; shi a makau de anhte shani sa lu ga ai n rai; shi gaw shinggyim masha ni hte kanawn mazum ai hta ding hpring nna teng man nga ai.

YOBA 38:4

Mungkan ga hpe ngai hpan da ai shaloi, dai yang e nang nga nga a ni? Nang grai chye ai rai yang, dai hte seng ai lam ngai hpe tsun dan e.

YOBA 5:9

Shi galaw ai galu kaba ai amu ni hte htum ngu n nga ai shi a mauhpa amu ni hpe anhte n chye lu nga ga ai.

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 92:5

Madu e, na a amu ni gaw kade wa galu kaba nga a hka! na a myit sawn ai lam ni mung kade wa sung nga a hka!

HPAJI NINGLI 1:13

Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai. Karai Kasang gaw anhte a ntsa e myit daw hten hpa maka jaw da nu ai.

HPAJI NINGLI 1:6

Nbung gaw dingda de bung dat, dingdung de bung dat rai kayin bung bung rai nga ai.

HPAJI NINGLI 11:4

Nbung hte lamu marang masa htuk ai du hkra nang la yu nga ai rai yang, nang gaw hpa hpe mung galoi mung n lu hkai ai hte n dan la lu na rai ndai.

HPAJI NINGLI 3:10

Karai Kasang anhte a ntsa e mara ya nu ai lit ni li nga ai hpe ngai chye nngai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 7:24

Asak hkrun lam a lachyum hpa rai nga ai hpe kadai wa sawk tam lu nga a ta? Dai gaw anhte a matu nau wa sung nna, chye na hkawn hkrang na matu nau wa yak la nga ai.

HPAJI NINGLI 8:17

Karai Kasang hpa galaw ai hpe galoi mung n chye na lu nga ai. Nang kade wa shakut shaja ai rai tim nang galoi mung mu tam shapraw lu na n rai. Hpaji rawng ai ni gaw chye na mai nga ai, rai ti mung shanhte chye ma ai n rai.

ESAIA 40:28

Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.

YAWHAN 3:8

Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?