HPAJI NINGLI 11:10 - Jinghpaw Common Language Bible 2009

¹⁰ Nang gaw hpa lam a majaw mung myit n ru, shing nrai n machyi hkra shangun u ga. Nang gaw aten grai na hkra ramma tai nga lu na ndai n rai.

Jinghpaw Hanson Version Bible

¹⁰ Dai re ai majaw, na a myit masin hta na yawn hkyen ai hpe, na a hkumhkrang hta na aru ara hpe, yeng kau u: kaning rai nme law, brang ram aprat hte chyang ai kara gaw, kaman lila rai nga ai.

HPAJI NINGLI 11:10 ပူးပေါင်းရင်းမြစ်များ

YOBA 11:12

Lawze nhprang ni hpe hku shani la lu ai shaloi, myit n su ai masha ni hpaji rawng wa na mara ai.

YOBA 13:26

Brang ram prat e ngai galaw shut kau sai amu a majaw, nang ngai hpe ahkup ahka nga ai nni nkri mara hkam sha shangun nga ndai.

YOBA 20:11

Shanhte a hkum hkrang ni shabrang zawn n-gun rawng ma ai; rai ti mung shanhte gaw kade n na yang ga nhpu tai mat na mara ai.

SHAKAWN KUNGDAWN 25:7

Nye a ram prat na shut hpyit ai lam ni hte yubak mara ni hpe, raw dat kau ya e. Madu e, na a dinggrin tsaw ra ai myit hte mai kaja ai myit hta ngai hpe adum nga e law!

SHAKAWN KUNGDAWN 39:5

Nang jaw ya ai nye a asak gaw kade wa kadun nga a hka! Na a man e, nye a asak prat gaw hpa n rai nga ai zawn rai nga ai. Kaja wa ahkrung nga ai masha hkum shagu gaw nsa sa lai nbung hte,

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

GA SHAGAWP 22:15

Ma ni gaw shingra maka hte maren, shanhte n grin n grang ndum ndam sadi sahka n nga ai amu hpe galaw nga ma ai; shingna hte kayat sharin ai gaw shanhte hpe kaja ai arawn alai hta hkan sa shangun nga ai.

HPAJI NINGLI 1:14

Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai.

HPAJI NINGLI 1:2

Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.