HPAJI NINGLI 10:8 - Jinghpaw Common Language Bible 2009

⁸ Nang nhkun htu ai rai yang, dai hta nang di hkrat na ndai; bunghku hpe nang run ai rai yang, nang hpe lapu achye na ra ai.

Jinghpaw Hanson Version Bible

⁸ Nhkun htu ai wa gaw, dai hta hkrat na ra ai: bunghku run ai wa gaw, lapu e achye hkrum na ra ai.

HPAJI NINGLI 10:8 ပူးပေါင်းရင်းမြစ်များ

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 18:15

Dai hpang Yoab a hpyenla marai shi mung Absalom hpang de kahtep sa wa nhtawm shi hpe sat shakre kau da ma ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

SHAKAWN KUNGDAWN 57:6

Nye a gumlau hpyen ni ngai hpe rim na matu nye a lam e, sumgawn jahkrat da nga ma ai; ngai gaw myit ru myit tsang hkrum nga nngai. Nye a lam hta shanhte nhkun htu tawn ma ai, rai tim shanhte mahtang dai kaw di hkrat bang ma ai.

GA SHAGAWP 11:6

Ding man ai lam gaw myit ding ai masha wa hpe mawai la nga ai; kam hpa n lu ai wa gaw shi a lawhpa marin marit ai lam hta ahkang hkrum nga ai.

GA SHAGAWP 26:27

Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

HPAJI NINGLI 10:9

Nang gaw nlung maw hta amu galaw ai rai yang, nlung ni a majaw hkala machyi hkrum nga ai. Hpun chye ai rai yang, shingdi ai majaw hkala hkrum nga ai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!

AMO LAIKA (AMOS) 9:3

Shanhte Hkarmela Bum pungding ntsa e makoi nga ai rai yang, ngai shanhte hpe hkan tam rim la na nngai. Shanhte gaw ngai kaw nna panglai htumpa hta makoi nga ai rai yang, shanhte hpe kawa na matu panglai baren numraw hpe ngai hkang dat na nngai.

TARA AGYI 9:5

Shi gaw Ohpra mare e nga ai shi a kawa a nta de wa nna, Gidon a shadang sha ni ngu na shi a hpu nau sanit shi hte hpe lunghtawn langai mi a ntsa e sat sharu kau wu ai. Rai ti mung, Gidon a shadang sha hpungdim ngu na Yohtam chyawm gaw makoi nga ai majaw sat kau hkrum wu ai n rai.