HPAJI NINGLI 10:3 - Jinghpaw Common Language Bible 2009

³ Shi a angawk angak ai amu gaw lam dingyang e shi hte hkrum ai tsasam masha ni hta pyi, dan dawng nga ai. Shi gaw angawk ai wa rai nngai nga nna masha shagu hpe chye shangun na wu ai.

Jinghpaw Hanson Version Bible

³ Gaja wa, angawk ai wa gaw lam e hkawm nga yang pyi, myit gawp ai kadawn nna, Ngai gaw angawk ai wa rai nga nngai, nga nna yawng hpe tsun dan nga ai.

HPAJI NINGLI 10:3 ပူးပေါင်းရင်းမြစ်များ

GA SHAGAWP 13:16

Htauli htaula myit rawng ai masha ni gaw shanhte amu garai n galaw hpang yang, tut nawng e, myit sawn yu nga ma ai; angawk ai masha ni chyawm gaw shanhte a n chye n chyang ai lam hpe tsun shana nga ma ai.

GA SHAGAWP 18:2

Angawk ai wa gaw arai lama mi hpe shi chye ai rai tim, n chye ai rai tim, hpa zawn n nawn nga ai; shi hkum shi gade hkik dum ai lam hpe sha, myit shapraw dan ai gaw shi ra sharawng ai lam mahkra rai nga ai.

GA SHAGAWP 18:6

Angawk ai wa gaw ndang kalang ga law hpang dat ai shaloi, shi hpe kayat na matu, shingna hpyi nga ai.

HPAJI NINGLI 5:3

Grau nna nang myit yu magang, n kaja ai yup mang ni grau mu magang rai nga ai. Grau nna ga tsun shalaw magang, angawk ai lam grau tsun mayu magang rai nga ai.

1 PETRU 4:4

Ya chyawm gaw shanhte hte maren zai ai hte kam mara re ai asak hkrung lam hta nanhte n shang lawm mat manit dai majaw, maigan masha ni mau mat nna nanhte hpe roi asawng ai ga tsun shaga wa ma ai.