HPAJI NINGLI 10:19 - Jinghpaw Common Language Bible 2009

¹⁹ Lusha poi galaw ai gaw nang hpe kabu gara shangun nga ai; sabyi ntsin gaw nang hpe myit pyaw shangun nga ai; rai ti mung gumhpraw n lu yang dai hta na langai ngai hpe nang galaw lu ai n rai.

Jinghpaw Hanson Version Bible

¹⁹ Kabu gara nga na matu, poi galaw nga nna, tsabyi jahku ngwipyaw shangun nga ai: gumhpraw mung, lam shagu hpe dang nga ai.

HPAJI NINGLI 10:19 ပူးပေါင်းရင်းမြစ်များ

NINGPAWT NINGHPANG 43:34

Shat lusha hpe Yosep a sha ku kaw nna shanhte hpe daw jau mu ai rai nna Benyamin hpe mahtang kaga ni hta jan nna manga lang jat ya wu ai. Dai rai nna shanhte gaw Yosep hte rau shanhte lu nang mat ai aten du hkra rau lu rau sha nga ma ai.

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

1 HKAWHKAM LABAU 21:24

Rai ti mung hkawhkam wa chyawm gaw, “N rai law, de a matu hkrat ang ai manu jahpu ngai nang hpe jaw na de ai. Ngai hta hpa manu n hkrat ang ai sha, nang madu da ai arai hpa hte mung dai Madu hpe hkungga n nawng ya na nngai,” ngu nna htan wu ai.

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

NEHEMIA 5:8

“Maigan masha ni a lata de dut kau hkrum ai anhte a Yuda kahpu kanau ni hpe anhte dang lu ai made mari shaw la la rai ga ai. Ya chyawm gaw anhte mahtang nanhte a hpu nau majing ni hpe shanhte a hpu nau Yuda ni hpe nanhte a lata de dut kau dat ya na shadut shagyeng nga myit dai!,” ngu nna tsun we ai. Ningbaw ni atsin sha nga nga ma ai rai nna, tsun na hpa mung n mu tam lu ma ai.

ESHTA 1:10

Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

HPAJI NINGLI 2:3

Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 24:11

Sabyi ntsin loi mi mung n nga sai majaw, amyu masha ni lam nmaw hkan jahtau garu nga ma ai. Kabu gara ai lam gaw htani htana htum mat sai; dai gaw ndai lamu ga kaw na shapraw kau hkrum nga sai.

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

LUKA 16:9

Ngai nanhte hpe tsun made ga, tinang a matu n tara ai mungkan sutgan hte jinghku hku mu, shaloi she dai htum mat jang dinggrin anga nga ai nta hta, nanhte hpe hkap la na marin dai.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 2:45

Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

TARA AGYI 14:10

Shi a kawa mung dai numsha a nta de sa ai hte Samson gaw dai yang e lusha poi galaw jaw nga ai. Dai gaw shabrang ni hta galaw ai htung langai rai nga ai.

TARA AGYI 9:13

Rai ti mung sabyi ru gaw, ‘Nanhte hpe up hkang na matu karai ni hpe mung, shinggyim masha ni hpe mung, kabu awng sharawng shangun ai nye a sabyi ntsin shapraw ai hpe ngai jahkring kau na rai nga a ni?,’ ngu nna tsun wu ai.

1 SAMUELA 25:36

Abigala mung hkawhkam wa a matu lusha poi galaw ai zawn shi a nta e poi galaw nga ai Nabala hpang de nhtang wa wu ai. Shi gaw chyaru nang nna grai pyaw nga ai majaw, hpang jahpawt du hkra hpa n tsun ai sha nga nga wu ai.