HPAJI NINGLI 10:14 - Jinghpaw Common Language Bible 2009

¹⁴ Angawk ai wa gaw ga tut tut atsun nga ai. Hpang e hpa byin wa na ra ai hpe kadai mung n chye lu nga ai; anhte si mat ai hpang, hpa byin wa na lam kadai mung anhte hpe n tsun dan lu nga ai.

Jinghpaw Hanson Version Bible

¹⁴ Angawk ai wa gaw, ga law law tsun nga ai; rai timung, byin na ra ai lam hpe shinggyim masha n chye nga ai: shi a htawm hpang e byin pru na ra ai lam, shi hpe kadai tsun lu a ta?

HPAJI NINGLI 10:14 ပူးပေါင်းရင်းမြစ်များ

YOBA 34:37

Shi gaw yubak hta gumlau ai bai jat nna; anhte yawng a man e Karai Kasang hpe shi ashu kau nga ai.

YOBA 35:16

Ga sha atsun nga ai gaw na a matu kaman lila rai nga ai; nang tsun ai ga hpe nang n chye na nga ndai gaw asan sha rai nga ai.

GA SHAGAWP 10:19

Ga law law nang shaga magang, yubak shalaw la na grau loi magang rai nna; nang lama, hpaji rawng ai wa rai yang, nang atsin sha nga na ndai.

GA SHAGAWP 15:2

Hpaji rawng ai ni tsun shaga yang, machye machyang hpaji hpe ningja shapraw ya nga ai; angawk ai masha ni chyawm gaw lachyum n pru ai ga hpe tsun shapraw nga ma ai.

HPAJI NINGLI 10:15

Amu bungli hta hki ba nga ai majaw; shi gaw nta wa lam hpe n chye tam la hkra grai wa angawk nga ai.

HPAJI NINGLI 3:22

Dai rai nna, anhte galaw lu sai amu hta kabu gara nga ai gaw anhte galaw lu ai kaja htum ai amu rai nga ai hpe ngai dum chye nngai. Anhte galaw lu ai amu hpa mung n nga nga ai. Anhte si mat ai hpang hpa byin wa na lam hpe anhte a matu chye na na lam hpa n nga nga ai.

HPAJI NINGLI 5:3

Grau nna nang myit yu magang, n kaja ai yup mang ni grau mu magang rai nga ai. Grau nna ga tsun shalaw magang, angawk ai lam grau tsun mayu magang rai nga ai.

HPAJI NINGLI 6:12

Masha a asak gaw shingnip zawn lai mat wa ai rai nna, akyu n rawng nga ai majaw ndai zawn kadun la ai aten hta anhte a matu mai kaja htum ai gaw hpa baw rai nga ai hpe kadai wa kaning rai chye lu na rai ta? Anhte si mat ai hpang mungkan ga hta hpa byin wa na hpe kadai wa kaning rai chye lu na rai ta?

HPAJI NINGLI 7:14

Nang ngamu ngamai wa ai shaloi, kabu gara nga u; ru yak tsin-yam tsindam hkrum ai shaloi, Karai Kasang gaw kabu gara ai hte ru yak tsin-yam tsindam lahkawng yan hpe dat da nga ai hpe dum u; hpang e, hpa baw bai byin wa na hpe nang galoi mung n chye nga ndai.

HPAJI NINGLI 8:7

Anhte kadai mung hpa byin wa na lam n chye ga ai; anhte hpe tsun dan na masha kadai mung n nga nga ai.

HPAJI NINGLI 9:1

Ndai lam yawng mayawng hte seng ai lam hpe galu galang hte ja ja ngai myit sumru yu ai shaloi, hpaji rawng ai hte ding hpring ai masha ni a magam bungli ni hte hpawn shanhte a tsaw ra myit hte n ju n dawng ai lam ni hpe pyi Karai Kasang hkang nga ai hpe mu nngai. Kadai mung hpang e hpa byin na lam hpe n chye lu nga ai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”