HPAJI NINGLI 10:13 - Jinghpaw Common Language Bible 2009

¹³ Shanhte gaw angawk ai ga ni hte tsun hpang nna mana bu ai ga san hte hpungdim dat nga ai.

Jinghpaw Hanson Version Bible

¹³ Shi tsun hpaw ai ga gaw, angawk ai ga, shi hpang jahtum na ga gaw, mana bu ai ga hkrai rai nga ai.

HPAJI NINGLI 10:13 ပူးပေါင်းရင်းမြစ်များ

2 SAMUELA 19:41

Dai hpang Israela masha mahkra hte gaw hkawhkam wa kaw sa nna shi hpe, “Madu hkawhkam e, anhte a hpu nau Yuda masha ni yawng gaw nang hpe mung, na a dinghku masha ni hpe mung, na a masha ni yawng hpe mung Yawdan hka rap na matu nang hpe lakawn nna asak sin ya na ahkang shanhte hpe hpa majaw jaw n ta?,” ngu nna tsun ma ai.

2 HKAWHKAM 6:27

Shi gaw, “Dai Madu nang hpe n karum la ai rai yang, ngai gara hku karum shingtau lu na rai nga a ta? Hkaulan mam mung, sabyi mung ngai kaning rai lu na rai ta?,” ngu nna san wu ai.

2 HKAWHKAM 6:31

Shi gaw, “Elisha a baw hpe dai ni n lu daw kau ya ai rai yang, Karai Kasang ngai hpe si hkra adup nu ga law!,” ngu nna tsun wu ai.

GA SHAGAWP 13:16

Htauli htaula myit rawng ai masha ni gaw shanhte amu garai n galaw hpang yang, tut nawng e, myit sawn yu nga ma ai; angawk ai masha ni chyawm gaw shanhte a n chye n chyang ai lam hpe tsun shana nga ma ai.

GA SHAGAWP 29:9

Nyan let ai masha wa gaw angawk ai wa hte ru hka amu tsun ndang hkat ai shaloi, angawk ai wa gaw mani chyu mani nna marawn matsa nga ai.

HPAJI NINGLI 10:14

Angawk ai wa gaw ga tut tut atsun nga ai. Hpang e hpa byin wa na ra ai hpe kadai mung n chye lu nga ai; anhte si mat ai hpang, hpa byin wa na lam kadai mung anhte hpe n tsun dan lu nga ai.

HPAJI NINGLI 5:2

Nang garai n shaga yang, shawng myit yu u. Karai Kasang hpe tin shapun ga sadi hkum jaw et. Shi gaw sumsing lamu e nga nga nna, nang mahtang ginding aga ntsa e nga nga ndai, dai re ai majaw nang shaga ang ai hta jan nna hkum shaga et.

HPAJI NINGLI 7:25

Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

LUKA 11:38

Shat garai n sha yang, Yesu kashin kamun n re ai hpe dai Hparishe wa mu nna mau nga ai.

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?,” nga nna shanhte shada tsun ginrawn hkat nga ma ai.

LUKA 6:2

Hparishe nkau mi gaw, “Anhte a tara hta tsun da ai Bansa Nhtoi e n mai di ai lam, hpa rai nanhte galaw myit ta?,” nga nna san ma ai.

YAWHAN 12:10

Dai majaw hkinjawng agyi ni gaw Lazaru hpe mung sat kau na nga nna maw mawn nga ma ai.

TARA AGYI 14:15

Ya mali ya nhtoi hta, shanhte gaw Samson a madu jan hpe, “Dai gumwai ga a lachyum hpa rai nga ai gaw anhte hpe tsun dan lu hkra, na a madu wa hpe hpaji daw yu u. Dai hku nang n galaw ai rai yang, nang hte hpawn na a nwa a nta hpe anhte nat kau ya na ga ai. Anhte hpe hpya kau lu myit ga nga, nan lahkawng anhte hpe saw shaga myit dai n rai ni?,” ngu nna tsun ma ai.