HPAJI NINGLI 10:12 - Jinghpaw Common Language Bible 2009

¹² Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

Jinghpaw Hanson Version Bible

¹² Hpaji rawng ai wa a ga gaw, htaphtuk nga ai; angawk ai wa a n-gup chyawm gaw, shi hpe mayu kau nga ai.

HPAJI NINGLI 10:12 ပူးပေါင်းရင်းမြစ်များ

2 SAMUELA 1:16

Dawi gaw dai Amalek masha wa hpe, “Ndai amu nang nan galaw shapraw dat nga ndai. Dai Madu gaw hkawhkam galaw na matu lata san da sai wa hpe nang sat kau sai lam yin la nit dai majaw nang hkum nan daw dan ai hkrum nga nit dai,” ngu nna tsun wu ai.

YOBA 16:5

Ngai mahtang hpaji ga hte nang hpe n-gun atsam jaw lu nngai; nang hpe shalan shabran na matu ashaga nga na nngai.

SHAKAWN KUNGDAWN 140:9

Nye a gumlau hpyen ni hpe awng padang hkum lu shangun nga et; ngai hpe jahkrit shama ai lam yawng mayawng mung shanhte a ntsa e, bai hkrat wa mu ga.

SHAKAWN KUNGDAWN 37:30

Mai kaja ai masha langai mi a n-gup ga ni hta hpaji ga rawng nga ai; shi gaw tut nawng e tara ding nga ai.

SHAKAWN KUNGDAWN 64:8

Shanhte tsun shaga ai ga ni a majaw, shi shanhte hpe jahten kau na ra ai; shanhte hpe mu mada ai ni yawng hte gaw shanhte a baw ni hpe kanga na mara ai.

GA SHAGAWP 10:10

Teng man ai lam hpe hkum shingdang ai wa gaw ru tsang jahkrum nga ai; dan dan leng leng daru sharin ai wa gaw ngwi pyaw sim sa lam a matu, amu galaw ya nga ai.

GA SHAGAWP 10:8

Myit mang chye ai masha ni gaw kaja ai hpaji jaw ga hpe hkap la nga ma ai; angawk angak nga nna baw law ai ni chyawm gaw hten run mat na mara ai.

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 15:2

Hpaji rawng ai ni tsun shaga yang, machye machyang hpaji hpe ningja shapraw ya nga ai; angawk ai masha ni chyawm gaw lachyum n pru ai ga hpe tsun shapraw nga ma ai.

GA SHAGAWP 15:23

Ra ahkyak ai aten hta ra ahkyak ai ga hpe tsun shaga lu ai gaw gade wa kabu gara shara rai nga a hka!

GA SHAGAWP 19:5

Tara rung hta e, nang n teng n man ai sakse ga tsun yang, nang ari jaw ai hkrum na rin dai; dai hta na nang lawt lu na n rai.

GA SHAGAWP 22:11

San seng ai myit hte si mani ai ga hpe nang tsaw ra ai rai yang, hkawhkam wa pyi na a jinghku tai na ra ai.

GA SHAGAWP 26:9

Angawk ai wa hpaji ga hte lakap nna tsun ai gaw chyaru nang ai wa shi a lata kaw na ju hpe shaw shakut ai wa zawn, rai nga ai hpe shadum nga ai.

GA SHAGAWP 31:26

Shi gaw si mani ai hpaji ga hte tsun shaga nga ai.

HPAJI NINGLI 12:11

Hpaji rawng ai ni a ga ni gaw sagu ni hpe lam woi na matu sagu rem ni lang ai majawn hte bung nga ai rai nna ka mahkawng da ai ga shagawp ni gaw dit jung da ai hpri masen zawn grin nga ai. Dai ni gaw anhte yawng a sagu Rem ai Wa, Karai Kasang a lata hku jaw ya ai ni rai nga ai.

HPAJI NINGLI 4:5

Shanhte gaw tinang a lata hkatum kau nna tinang hkum kyet si shangun ai gaw angawk angak rai nga ai nga nna tsun ma ai.

HPAJI NINGLI 5:2

Nang garai n shaga yang, shawng myit yu u. Karai Kasang hpe tin shapun ga sadi hkum jaw et. Shi gaw sumsing lamu e nga nga nna, nang mahtang ginding aga ntsa e nga nga ndai, dai re ai majaw nang shaga ang ai hta jan nna hkum shaga et.

HPAJI NINGLI 5:6

Na n-gup gaw na hkum hpe hkum shut shangun nga et; ngai shut ni ai nga nna Karai Kasang a hkinjawng wa a man e tsun na hkum shapraw et. Karai Kasang hpe hpa majaw masin pawt shangun nga n ta? Nang galaw ai amu hpa majaw shi hpe jahten kau shangun nga n ni?

HPAJI NINGLI 9:17

Angawk ai ni a kongsi hpawng hta mungdu wa jahtau tsun ai ga madat na hta hpaji rawng ai wa a ga hpe asim sha madat na gaw grau mai kaja nga ai.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.