HPAJI NINGLI 10:11 - Jinghpaw Common Language Bible 2009

¹¹ Nang gaw lapu hpe shawng achye shangun ai rai yang, lapu hpe kaning rai shalen ai lam chye da ai gaw hpa akyu n rawng nga ai.

Jinghpaw Hanson Version Bible

¹¹ Lapu hpe garai n shayup ai, kawa yang, lapu ka ai wa gaw, hpa akyu n nga ai.

HPAJI NINGLI 10:11 ပူးပေါင်းရင်းမြစ်များ

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

SHAKAWN KUNGDAWN 58:6

Karai Kasang e, ndai hkanghkyi matse ni a wa ni hpe shadaw kau ya u.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

GA SHAGAWP 18:21

Nang tsun shaga ai ga gaw asak hpe bau maka lu nga ai; shing n rai, dai hpe jahten sharun kau lu nga ai. Dai majaw, na a n-gup aga a majaw pru wa ai mabyin lam ni hpe hkap la ra nga ndai.

HPAJI NINGLI 10:10

Na a nwa tawn mat nna, dai hpe nang n garang ai rai yang, dai hpe lang ai shaloi n-gun grau dat ra nga ndai. Tau nna myit mang ai lam gaw grau nna htuk manu nga ai.

YEREMIA 8:17

Dai Madu gaw, “Yu u, Mandan hpaji hte n shangap lu ai atuk ja ai lapu pu htum ni, ngai nang hpang de shangun dat nga nngai, dai ni gaw nang hpe achye na mara ai,” ngu nna tsun ai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

YAKU 3:8

Rai ti mung shinglet hpe gaw kadai wa mung hku shani la lu ai lam n nga ga ai. Dai gaw n hkru n kaja nga ai hte up hkang da n lu nna si shangun ai baw gung tuk hte hpring chyat nga ai.