HPAJI NINGLI 10:1 - Jinghpaw Common Language Bible 2009

¹ Jinu chyasi ni gaw manam pyaw ai sau palin mi hpe manam hkying shangun lu nga ai zawn, kaji mi angawk ai gaw galu kaba htum ai hpaji byeng-ya hpe jahten kau ya lu nga ai.

Jinghpaw Hanson Version Bible

¹ Jinu chyasi manam pyaw ai sau hpe hkying shangun nga ai zawn, angawk ai amu kaji, hpaji byeng-ya hte arawng sadang hpe shayuk kau nga ai.

HPAJI NINGLI 10:1 ပူးပေါင်းရင်းမြစ်များ

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

NEHEMIA 13:26

Ngai gaw, “Hkawhkam Shawlumon hpe yubak galaw shangun ai mung maigan num ni a majaw rai nga ai. Shi gaw kaga masha amyu baw ni a hkawhkam ni hta grau nna galu kaba ai wa rai nga ai. Karai Kasang gaw shi hpe tsaw ra ai hte Israela amyu yawng a matu shi hpe hkawhkam shatai nu ai; ti mung shi gaw yubak kata de lup shang mat wa nu ai.

NEHEMIA 6:13

Shan gaw nye a arawng sadang jahten ya nna shagrit shanem kau lu hkra nga, ngai hpe jahkrit let yubak kap wa na matu shan gaw shi hpe saw la nga ma ai.

YOBA 6:3

dai ni gaw panglai zaibru ni hta grau li na rai nga ai, dai rai nna nye a matsa ai ga hte nang hpe shamau ang ai n rai.

PRU MAT 30:25

chyoi pra ai aya dang ya ai sau byin hkra manam pyaw ai baw hte kayau na rai nga ai.

HPAJI NINGLI 9:18

Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.

HAGI 2:12

Marai langai ngai gaw ap nawng da sai shan tawng ni hpe hkungga nawng ya ai kaw na la mat wa nhtawm shi a lawnghkai palawng hta katsu bang nna la mat wa ai ngu ga; lama rai nna shi gaw shi a palawng galu hte muk hpe mung, shadu da sai shahpa hpe mung, sabyi ntsin, tsanlun sau shing n rai kaga shahpa ni hte hkra shangun ai rai yang, dai ni gaw ap nawng da ai shahpa rai na rai nga a ni?” Dai ga san san ai shaloi, hkinjawng ni gaw, “N rai nga ai,” ngu nna htan ma ai.

HAGI 2:13

Dai hpang, Hagi gaw, “Marai langai ngai si mang hkra kau ai majaw awu asin byin ai ngu ga. Dai hpang shi rai nna shahpa hkra mat ai rai yang, dai ni hpe awu asin di kau nga a ni?,” nga nna san wu ai. Hkinjawng ni gaw, “Rai nga ai,” ngu nna htan ma ai.