HPAJI NINGLI 1:9 - Jinghpaw Common Language Bible 2009

⁹ Shawng e byin ngut sai gaw bai byin wa na ra ai. Bai byin wa na ra ai amu gaw shawng e galaw lai mat wa sai ni hkrai rai nga ai. Ndai mungkan ga ting hta ningnan hpa mung n nga nga ai.

Jinghpaw Hanson Version Bible

⁹ Byin na ra ai amu gaw, byin ngut sai amu hkrai rai nga ai; ya galaw ai amu gaw, galaw ngut sai amu hkrai rai nga nna, jan a npu e amu ningnan hpa mung n nga ai.

HPAJI NINGLI 1:9 ပူးပေါင်းရင်းမြစ်များ

HPAJI NINGLI 1:10

Shanhte gaw, “Yu u, nang e arai nnan nga nga a hka!,” nga nna tsun ma ai. Rai ti mung, n rai nga ai, dai gaw anhte pyi garai n shangai ai shawng e dai lam yawng mayawng byin lai mat wa sai.

HPAJI NINGLI 2:12

Hpang jahtum gaw, lai sai hkawhkam ni galaw kau sai amu hpe chyu sha hkawhkam wa galaw lu nga ai. Dai rai nna, hpaji byeng-ya chye ai, myit n su ai hte angawk angak re ai ni gaw kaning re ai lachyum rai nga ai hpe ngai myit sawn sumru hpang wa nga nngai.

HPAJI NINGLI 3:15

Hpa byin ai mung, byin lu ai mung shawng de byin ngut chyalu hkrai rai nga sai. Karai Kasang gaw dai hpe sha bai byin shangun ngun di nga ai.

HPAJI NINGLI 6:10

Byin mabyin mahkra gaw moi moi kaw nna daw dan jahkut da sai hkrai rai nna nang gaw nang hta grau n-gun ja ai marai langai ngai hte dangrang hkat lu ai n rai, nga ai hpe anhte yawng chye ga ai.

HPAJI NINGLI 7:10

“Moi prat hta pru ai arai ni gaw hpa majaw grau kaja a ta?,” nga nna galoi mung hkum san et. Dai gaw zai byeng-ya hte seng ai ga san n rai nga ai.

ESAIA 43:19

Ngai galaw sa wa na amu nnan hpe sin yu mu. Dai gaw byin nga masai majaw dai amu hpe ya mu lu nga ndai! Ngai gaw nam mali hku nmaw lam waw na nngai, dai yang e nang hpe hka shi ni jaw na we ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

SHINGRAN 21:1

Dai hpang, sumsing lamu ningnan hte ginding aga ningnan hpe ngai mu nngai, Shawng na lamu hte shawng na aga gaw hkoi mat wa sai. Panglai mung dai kaw na n nga mat sai.

SHINGRAN 21:5

Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.