HPAJI NINGLI 1:17 - Jinghpaw Common Language Bible 2009

¹⁷ Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

Jinghpaw Hanson Version Bible

¹⁷ Shing rai ngai gaw hpaji byeng-ya hpe mung, myit n su ai hte angawk ai lam hpe mung chye ginhka lu n ga, ngai myit makun nga nngai: dai mung nbung hpe shachyut ai hkrai rai nga ai gaw, ngai myit dum nngai.

HPAJI NINGLI 1:17 ပူးပေါင်းရင်းမြစ်များ

SHAKAWN KUNGDAWN 73:16

Ndai mang hkang lam ni hpe ngai shakut nna myit jahkawn yu ni ai; rai ti mung, dai gaw chye na na matu, nye a matu nau wa yak la nga ai.

HPAJI NINGLI 12:8

Kaman lila, kaman lila, nga nna Sumru Ninghkrin wa tsun ai. Dai yawng mayawng gaw kaman lila hkrai rai nga ai.

HPAJI NINGLI 2:17

Dai rai nna, asak hkrun lam hta ru yak tsin-yam tsindam hkrum hkra ai hta kaga lam magup gaw nye a matu kaman lila hkrai rai nga ai majaw nye a matu hpa lachyum n pru nga ai. Dai ni yawng gaw kaman lila hkrai rai nga sai; ngai mung nbung hpe hkan shachyut kau ni ai.

HPAJI NINGLI 2:3

Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

HPAJI NINGLI 3:19

Hpang jahtum e chyawm gaw shinggyim masha hte dusat ni hta byin ai maka gaw maren sha rai nga ai. Kaga wa si ai zawn si nga ai. Shanhte gaw hkrung kanu ni sha rai ma ai. Shinggyim masha gaw dusat hta grau kaja nga ai n rai, hpa majaw nga yang, asak gaw kade a matu mung lachyum n pru nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:6

Dai hku mung mai byin nga ai, rai ti mung dai gaw ngwi pyaw sim sa ai myit kachyi mi lu ai gaw lata lahkawng hte aten tup amu galaw ai hta grau kaja nga ai. Dai gaw nbung hpe hkan rim shakut ai rai nga ai.

HPAJI NINGLI 6:9

Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai.

HPAJI NINGLI 8:16

Ngai gaw hpaji chye ai wa tai wa lu hkra shakut ai hte ndai mungkan ga hta hpa byin wa nga ai hpe sharin la ai aten shagu, shani shana n lu yup ai hpe ngai dum chye nngai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,