HPAJI NINGLI 1:13 - Jinghpaw Common Language Bible 2009

¹³ Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai. Karai Kasang gaw anhte a ntsa e myit daw hten hpa maka jaw da nu ai.

Jinghpaw Hanson Version Bible

¹³ Ngai gaw, sumsing lamu npu e nga manga pra mapra hpe, hpaji byeng-ya hte sawk manaw yu na nga, myit shada da nngai: Karai Kasang shinggyim masha ni hpe jaw da ai amu bungli gaw, yak la ai amu hkrai rai nga ai.

HPAJI NINGLI 1:13 ပူးပေါင်းရင်းမြစ်များ

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

YOBA 28:3

Maw htu ai ni gaw sung htum ai nsin hpe tam ma ai. Shanhte gaw ginding aga a sung ai shara hpe sawk yu nhtawm. Htat ai nsin hta rawng ai lunghkrung ni hpe htu nga ai.

SHAKAWN KUNGDAWN 111:2

Dai Madu galaw ai magam bungli ni kade wa mauhpa rai nga a hka! Dai amu ni hta awng sharawng nga ai nlang hte gaw dai lam ni hpe chye la mayu nga ma ai.

GA SHAGAWP 18:1

Kaga masha ni hte n chye kanawn ai ni gaw shanhte a hkum hpe chyu sha, machyu nga ma ai rai nna; kaga masha shagu a jaw ai ngu, chye na ai lam hpe, shanhte myit n hkrum ya na mara ai.

GA SHAGAWP 18:15

Zai byeng-ya rawng ai masha ni gaw chye la mayu ai myit, tut nawng e, katu nga ai hte; sharin la na matu jin jin rai nga ma ai.

GA SHAGAWP 23:26

Sha e, atsawm sha madat la u; nye a asak hkrun lam gaw na a matu kasi tai shangun u.

GA SHAGAWP 25:2

Shi makoi magap da ai majaw, anhte Karai Kasang hpe shakawn shagrau ga ai; shanhte tsun shaleng dan ai majaw, hkawhkam ni hpe anhte shagrau sha-a ga ai.

GA SHAGAWP 4:7

Hpaji byeng-ya lu la ai gaw nang lu galaw ai amu ni yawng hta grau nna ahkyak madung rai nga ai; nang hpa baw mi tam la lu ai rai tim, myit kraw hpaji hpe n lu la n mai shakut la u.

HPAJI NINGLI 1:17

Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

HPAJI NINGLI 11:5

Karai Kasang gaw chyip makup galaw da sai amu hpe mung, gawngli ai numsha a hkritung e asak ningnan kaning rai byin wa ai lam nang chye na ai hta jan nna shi kaning rai galaw ai hpe mung, nang chye lu na ndai n rai.

HPAJI NINGLI 12:12

Ngai sha e, ndai lam ni hta kaga, sadi na lam langai naw nga nga ai; laili laika ka da ai gaw n htum hkraw nga ai; law law sharin la ai gaw nang hpe hki ba shangun na ra ai.

HPAJI NINGLI 2:23

Nang hkrung nga dingsa, nang galaw ai lam magup gaw kaman rai nga ai rai ti mung, myit ru ai hte baw machyi ai hkrai rai nga ai. Shana e pyi na a myit ban sa lu ai n rai. Dai yawng mayawng mung kaman lila rai nga ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 3:10

Karai Kasang anhte a ntsa e mara ya nu ai lit ni li nga ai hpe ngai chye nngai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 7:25

Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

HPAJI NINGLI 8:9

Ndai mungkan ga hta byin nga ai amu ni a lam ngai myit sumru yu yang, masha nkau mi daru magam n-gun rawng nna nkau mi mahtang shanhte a npu hta nni nkri hkrum sha nga ai mungkan rai nga ai hpe ngai mu se ai.

1 TIMOHTI 4:15

Na a kunghpan jat wa ai hpe masha yawng mayawng mu lu mu ga, lahta de tsun da sai lit ni hpe myit lawm ai hte hkan shatup let dai hta a manoi nga u.