HPAJI NINGLI 1:11 - Jinghpaw Common Language Bible 2009

¹¹ Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.

Jinghpaw Hanson Version Bible

¹¹ Lai wa sai aprat ni hpe, kadai mung n dum lu ai; htawm hpang e du na ra ai ni mung, hpang na aprat ni hpe chye matsing lu na ma ai n rai.

HPAJI NINGLI 1:11 ပူးပေါင်းရင်းမြစ်များ

SHAKAWN KUNGDAWN 9:6

Anhte a gumlau hpyen ni gaw htani htana htum mat masai; nang gaw shanhte a mare ni hpe jahten kau nit dai hte shanhte gaw tsep kawp malap kau ai hkrum nga masai.

HPAJI NINGLI 1:10

Shanhte gaw, “Yu u, nang e arai nnan nga nga a hka!,” nga nna tsun ma ai. Rai ti mung, n rai nga ai, dai gaw anhte pyi garai n shangai ai shawng e dai lam yawng mayawng byin lai mat wa sai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

HPAJI NINGLI 8:10

Rai sa, n hkru ai masha ni shanhte a lup sung hku ni hta lup makoi da hkrum nga ma ai hpe ngai mu ni ai; rai ti mung, lup wa de na bai nhtang wa ai masha ni gaw n hkru ai amu galaw shapraw ai shanhte a mare hta sha shanhte hpe shakawn ma ai. Dai mung kaman lila rai nga ai.

HPAJI NINGLI 9:5

Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”