HPAJI NINGLI 1:1 - Jinghpaw Common Language Bible 2009

¹ Ndai ni gaw Yerusalem hta hkawhkam galaw ai Dawi a kasha, Sumru Ninghkrin wa tsun ai ga ni rai nga ai.

Jinghpaw Hanson Version Bible

¹ Dawi a kasha, Yerusalem hkawhkam, Tara Hkaw Sara a mung sumtu gaw, da ndai rai nga ai:

HPAJI NINGLI 1:1 ပူးပေါင်းရင်းမြစ်များ

2 HKAWHKAM LABAU 9:30

Shawlumon gaw Yerusalem mare hta hkaw dung nna Israela mung ting hpe shaning mali shi ning tup up nga ai.

NEHEMIA 6:7

nang gaw Yuda hkawhkam rai nga ai, nga nna Yerusalem hta tsun dan na matu myihtoi nkau mi hpe nang san da nga nit dai nga nna mung tsun dan ai. Ya shi a madu hkawhkam gaw dai lam hpe teng teng na mayu nga ai majaw dai mabyin hte seng nna nang hte ngai hkrum zup shaga na, ngai hpaji jaw nngai.”

SHAKAWN KUNGDAWN 40:9

Madu e, na amyu masha ni yawng a shawa hpawng hta nang anhte hpe hkye hkrang la ai dai kabu gara shiga hpe ngai tsun dan ni ai. Dai hkaw tsun ai lam hpe ngai galoi mung jahkring kau na n rai nga ai hpe nang chye nga ndai.

GA SHAGAWP 1:1

Israela Hkawhkam, Dawi a kasha Shawlumon shagawp da ai laika rai nga ai.

GA SHAGAWP 31:31

Shi galaw ai amu yawng mayawng a manu jahpu hpe matsing ya u; masha shagu shi hpe hkungga lara na mai kaja nga ai.

HPAJI NINGLI 1:12

Ngai, Sumru Ninghkrin wa gaw Yerusalem hta, Israela a ntsa e hkawhkam tai lai wa ni ai.

HPAJI NINGLI 7:27

Rai sa, Myit Sumru Ninghkrin wa gaw dai mahtai ni hpe ngai naw sawk tam yu nga yang, dai lam hpe lang mi kachyi chyi rai mu hkrup nngai, nga nna tsun ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

YONA 3:2

Shi gaw, “Dai kaba la ai Ninewe mare de sa nna, dai masha ni hpe ngai nang hpe jaw da sai mungga hkaw tsun su,” ngu nna tsun wu ai.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.