HOSEA 9:8 - Jinghpaw Common Language Bible 2009

⁸ Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

Jinghpaw Hanson Version Bible

⁸ Ehprim gaw, tinang a Karai Kasang a sin langa tai yu sai: myihtoi wa gaw, lam shagu hta mahkam hkrum nna, shi a Karai Kasang a nta hta, n dawng n yawt ai hkrai rai nga ai.

HOSEA 9:8 ပူးပေါင်းရင်းမြစ်များ

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

1 HKAWHKAM 18:1

Ya hkun hkraw ai masum ning hta dai Madu gaw Elia hpe, “Nang hkum nan Hkawhkam Ahab kaw sa du su; shaloi ngai marang jahtu dat na nngai,” ngu nna tsun wu ai.

1 HKAWHKAM 18:19

Hkarmela Bum e ngai hte hkrum na matu Israela amyu masha ni yawng hpe ya hkang dat u. Bala myihtoi 450 hte hpawn hkawhkam jan Yezebela e karum da ai Ashera karai num a myihtoi 400 hpe mung woi sa wa u,” ngu nna htan wu ai.

1 HKAWHKAM 22:11

Shanhte hta na Hkenana a kasha Zedekia gaw hpri nrung ni hpe galaw la nna Ahab hpe, “Da ndai gaw dai Madu tsun ai lam rai nga ai: ‘Ndai nrung ni hte Suri masha ni hpe gasat u; shaloi shanhte hpe tsep kawp dang kau lu na ndai,’” ngu nna tsun wu ai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

1 HKAWHKAM 22:28

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga na nu ai n rai!,” ngu nna jahtau tsun wu ai. Shi gaw, “Masha shagu hte e, ngai hpe tsun ai ga hpe madat mu law!,” ngu nna jat tsun wu ai.

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

2 HKAWHKAM 13:21

Lani mi na moi mang jahkrat ai aten hta, Moba masha gumlau hpung ni hpe mu ma ai rai nna, masha ni gaw dai mang hpe Elisha a lup kata de kabai bang nna kagat mat wa ma ai. Shaloi dai si mang gaw Elisha a nrut nra ni hte sa hkra ai shaloi jang shi hkrung wa nna rawt tsap nga ai.

2 HKAWHKAM 2:14

Shi gaw Elia kaw na ntsa palawng hte hka hpe kayat nhtawm, “Dai Madu Elia a Karai Kasang kanang nga nga a ta?,” ngu nna san wu ai. Dai hpang hka dai hpe bai kayat dat wu yang, hka gaw gade nde garan mat wa nna shi mung wora hkran maga mi de rap mat wa wu ai.

2 HKAWHKAM 2:21

shi gaw hka hpawk de sa nna, hka de jum kabai bang let, “Dai Madu tsun ai ga ndai hku rai nga ai: “Ngai gaw ndai hka hpe jasan jaseng ni ai. Si ai mung, nbya bya ai mung galoi mung byin sana ra ai n rai.”

2 HKAWHKAM 4:41

Elisha gaw lusha loi mi hpe hpyi la nhtawm di kata de bang dat nna, “Sha na lusha loi mi ru shapraw tawn yu mu,” ngu nna tsun wu ai. Shaloi dai hta shut ai lam hpa mung n nga nga ai.

2 HKAWHKAM 4:43

rai ti mung shi mahtang, “Dai gaw masha latsa a matu law na sai ngu nang myit nawn da wu ni?,” ngu nna htan wu ai. Elisha gaw, “Shanhte sha nna loi mi pyi naw ngam na re, nga nna dai Madu tsun ai majaw shanhte sha na matu dai hpe jaw mu,” ngu nna tsun htang wu ai.

2 HKAWHKAM 5:14

Dai rai nna Naman gaw Yawdan hka de yu sa nna shi hpe Elisha matsun ai hte maren, shi hkum hpe sanit lang tsing dat wu yang tsep kawp shamai shatsai ai hkrum wu ai. Shi a hkum shan mung ma kaji a hkum zawn ting ting hkang hkang rai hkam kaja wa nga ai.

2 HKAWHKAM 5:27

Ya chyawm gaw Naman a manggang na a ntsa e du nna, nang hte na a amyu matu ni dai hpe htani htana hkam sha lu na rai myit dai!,” ngu nna tsun wu ai. Gehazi gaw hkyen zawn hpraw ai manggang kap ai wa tai mat wa ai hte pru mat wa nu ai.

2 HKAWHKAM 7:19

Du wa chyawm gaw, “Dai Madu shi nan kalang lata nsi jahkrat jaw lu tim pyi dai gaw dang byin lu na n rai!,” ngu nna htan wu ai. Elisha gaw, “Dai amu byin wa na hpe nang mu lu na rin dai; rai ti mung shing re ai lusha kaw na nang sha lu na ndai n rai,” ngu nna tsun htang wu ai.

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

SHAKAWN KUNGDAWN 124:7

Jau gawng wa a mahkam hta na lawt wa ai u zawn, anhte mung lawt mat wa lu saga ai; mahkam daw agrawp mat nna, anhte lawt lu saga ai!

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

Shawlumon A Mahkawn Ga 3:3

Mare gawan hkawm ai sin langa ni ngai hpe mu ma ai. Ngai gaw shanhte hpe, “Nye a tsaw ra wa hpe mu myit ni?,” ngu nna san we ai.

ESAIA 62:6

Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai Madu shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

YEREMIA 14:13

Dai hpang, ngai gaw, “Tsaw Htum ai Madu e, nang ga sadi tawn da nit dai hte maren, shanhte gaw anhte a mungdan hta ngwi pyaw sim sa ai chyu sha a nga nga na ra ai nga nna tsun ma ai majaw, myihtoi ni gaw amyu masha ni hpe majan hte kawsi hpang gara ai hkrum na n rai, nga nna tsun nga ma ai hpe nang chye nga ndai,” ngu nna tsun ni ai.

YEREMIA 23:13

Samari mung na myihtoi ni a yubak mara hpe ngai mu se ai: shanhte gaw Bala a mying gang nna shaga ma ai, nye a amyu masha ni hpe lam woi shadam kau manu ai.

YEREMIA 31:6

Rai sa, Ehprim bum ntsa hkan e sin nga ai masha ni gaw, ‘Ziun bum e nga ai dai Madu anhte a Karai Kasang hpang de anhte rawt lung wa saga, nga nna marawn tsun ai aten du wa na ra ai,’” nga ai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 6:17

Dai hpang, dai Madu gaw pahtau hte sadi jaw ai nsen hpe madat na matu sin langa masha ni hpe lit jaw da nu ai. Rai ti mung shanhte gaw, “Anhte n madat na ga ai,” ngu nna bai tsun ma ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 3:17

Shi gaw, “Si chye ai masha wa e, ngai nang hpe Israela amyu masha ni a matu sin langa shatai nngai. Dai re ai majaw, ngai nang hpe tsun dan ai shadum jahprang ga ni hpe shanhte hpang de htawn shalai ya lu na rai ndai.

EZEKELA 33:7

“Ya chyawm gaw, si chye ai masha wa e, Israela amyu baw a matu ngai nang hpe sin langa san da na nngai. Ngai nang hpe tsun dan ai shadum jahprang ga ni hpe shanhte hpang de du hkra len shalai ya ra nga ndai.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

ROMA 3:7

Bai nye a n teng n man ai lam gaw Karai Kasang a teng man ai lam hpe grau nna dan dawng shangun ai hte shi a arawng sadang hpe dan hkung shangun ai nga yang gaw, yubak kap ai wa zawn jeyang ai hpe ngai hpa rai naw hkrum na rai ta?

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.