HOSEA 9:7 - Jinghpaw Common Language Bible 2009

⁷ Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

Jinghpaw Hanson Version Bible

⁷ Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

HOSEA 9:7 ပူးပေါင်းရင်းမြစ်များ

2 HKAWHKAM 9:11

Yehu gaw shi a du manang ni kaw bai nhtang wa yang, “Lam shagu hkrak rai nga a ni? Dai mana bu ai wa nang hpe hpa galaw shangun mayu a ta?,” ngu nna shi hpe hkap san ma ai. Yehu gaw, “Shi hpa ra nga ai gaw nanhte chye nga myit dai,” ngu nna sha htan wu ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

YEREMIA 10:15

Shanhte gaw kaman lila ni rai nna n kaw n law di hkrum ang nga ma ai; Dai Madu du sa nna shanhte hpe ari jaw ai shaloi, shanhte shamyit kau ai hkrum na mara ai.

YEREMIA 11:23

Ngai gaw Anahtot masha ni a ntsa de tsin-yam tsindam shapraw dat na aten masat da ya ni ai; dai aten du ai shaloi, shanhte hta na langai mi mung ngam nga na ra ai n rai,” ngu nna tsun wu ai.

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

YEREMIA 23:13

Samari mung na myihtoi ni a yubak mara hpe ngai mu se ai: shanhte gaw Bala a mying gang nna shaga ma ai, nye a amyu masha ni hpe lam woi shadam kau manu ai.

YEREMIA 25:14

Ngai gaw Babelon amyu masha ni hpe shanhte galaw dan sai amu hte maren, matai dawp na nngai, shing rai amyu baw ni hte hkawhkam kaba ni gaw shanhte hpe mayam shatai kau na ma ai,’” ngu nna tsun wu ai.

YEREMIA 29:26

“Dai Madu gaw Yehoiada a malai nang hpe hkinjawng aya dang da nit dai; nang gaw ya kaw nna Nawku Htingnu kata hta hkinjawng kaba wa rai nga nit dai. Myihtoi tai masu ai mana shagu hpe shi a du hta hpri saidawng hte gyit kawan da na gaw, na a amu rai nga lit dai.

YEREMIA 46:21

Shi saw shaga da ai hpyenla ni pyi dumsu kasha ni zawn karum la lam n lu nga ma ai. Shanhte gaw n tsap lu ai hte n gasat lu ma ai; shanhte yawng gaw kayin kagat mat wa ma ai. Shanhte hpe daw dan ai nhtoi hte shanhte hpe jahten shabyak na aten gaw du nga sai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 8:11

Masha yawng hte wa n hkam kaja nga yang, ‘Yawng hkra hkam kaja ga ai,’ nga nna shanhte tsun let nye a amyu masha ni a nma ni hpe mahkyit agret kau ai zawn chyu, shanhte nawn la ma ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 13:10

Dai n teng n man ai myihtoi ni gaw nye a amyu masha ni hpe byin ai lam mahkra kaja nga ai nga nna tsun let lam woi shadam ma ai. Kaja wa tsun ga nga yang, byin ai lam mahkra kaja nga ai n rai! Nye a amyu masha ni gaw malawk mat ai bunghku nlung ni hpe htuk shachyaw da ma ai; dai hpang n teng n man ai myihtoi ni sa wa nhtawm dai hpe namhtun hte chya da ya nga ma ai.

EZEKELA 13:3

Ndai gaw Tsaw Htum ai dai Madu tsun ai ga rai nga ai: “Ndai angawk angak re ai myihtoi ni gaw ari ahpri hkrum na mara ai! Shanhte gaw tinang a wenyi myit ra ai hku pau tsun ai hte shanhte a myit shingran ni hpe gyin shalat nga ma ai.

EZEKELA 25:17

Ngai gaw shanhte hpe ja ja ari jaw na nngai, shanhte hpe htum hkra matai dawp na nngai. Shanhte gaw nye a masin kahtet ai hpe hkam sha na mara ai. Dai hpang, ngai gaw dai Madu rai nga nngai hpe shanhte chye wa na mara ai,” ngu nna tsun wu ai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 5:9

Ari jaw ai nhtoi gaw du wa nga sai, Israela gaw hten run mat na ra ai. Israela amyu masha ni e, ndai lam teng teng byin wa na ra ai!

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

HOSEA 9:8

Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’

2 KORINHTU 5:13

Anhte kaja wa n gring mat saga ni? N gring nga ga yang gaw Karai Kasang a matu mara n gring nga ga ai. Shing n rai anhte gring nga ga ni? Gring nga ga yang gaw nanhte a matu gring nga ga ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.