HOSEA 9:6 - Jinghpaw Common Language Bible 2009

⁶ Tsin-yam tsindam du nna amyu masha ni shaden kau ai hkrum ma ai shaloi, Egutu masha ni shanhte hpe hpawng shinggyin la nna Memhpi e lup makoi kau na ma ai! Shanhte a gumhpraw sut hte shanhte a dum nta nga ai shara ni gaw tsingdu tsingman ni hte ju sumwum ni lim ka-up kau hkrum na mara ai.

Jinghpaw Hanson Version Bible

⁶ Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

HOSEA 9:6 ပူးပေါင်းရင်းမြစ်များ

2 HKAWHKAM 13:7

Suri hkawhkam gaw naw ngam nga ai masha ni hpe shamyit kau nhtawm shanhte hpe ga nhpu zawn kabye anut kau mu ai majaw gumra jawn ai masha manga shi, hpyen leng shi hte lagaw dap hpyenla mun mi shangam da ya ai hta kaga Yehoahaza hta laknak hpai ai hpyen dap hpa mung n lu nga wu ai.

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

GA SHAGAWP 24:31

Dai ni hta ju hpun sumwum ni hte ga ting atsing ni hte ka-up nga nna, dai ni hpe kum gawan da ai nlung bunghku ni mung kadawng mat nga ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 19:13

Zoan hte Memhpi mare ningbaw ni gaw mana nga ma hka! Shanhte gaw masha amyu baw hpe lam woi lu na zawn nawn ma ai, rai ti mung shanhte gaw dai ni hpe lam woi shadam kau manu ai.

ESAIA 27:12

Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

ESAIA 32:13

ju sumwum ni hte tsing ni nye a amyu masha ni a lamu ga hta tu nga ai. Amyu masha ni kabu gara rawng lai wa sai dum nta ni yawng a matu mung, ngwi pyaw ai asak hkrung lam hte hpring ai mare a matu mung hkrap mu.

ESAIA 34:13

Ju hpun hte tsing ni gaw hkawhkam htingnu ni hte bunghku kum da ai mare ni hkan tu wa na mara ai, nam gwi ni hte u hku ni dai shara hkan nga na mara ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

YEREMIA 2:16

Rai sa, Memhpi hte Tahpan masha ni gaw shi a baw pungkum hpe kayat ga kau manu ai.

YEREMIA 42:22

Dai re ai majaw, nanhte sa shanu nga mayu ai mungdan hta hpyen majan hta mung, kawsi hpang gara ai hta mung, ana zinli hta mung si mat na rai myit dai,” ngu nna matut tsun ni ai.

YEREMIA 44:1

Dai Madu gaw Egutu mung na Migdola, Tahpan hte Memhpi mare ni hte Egutu mung a dingda daw de nga nga ai Israela amyu masha ni yawng hte seng nna ngai hpe tsun wu ai.

YEREMIA 44:12

Egutu mung hta shingbyi na matu myit daw dan nna sa shanu nga ai naw ngam nga ai Yuda masha ni a matu chyawm gaw shanhte yawng shamyit kau hkrum na mara ai hpe ngai mu lu na nngai. Egutu mung hta nga ai dai kaji ai kaw na kaba htum ai du hkra na shanhte yawng gaw hpyen majan hta mung, kawsi hpang gara ai hta mung, si htum mat na mara ai. Shanhte gaw yu hkrit hpa shara tai mat na mara ai, masha amyu baw ni shanhte hpe asawng asang di nna shanhte a amying hpe dagam dala matsa mawa ga tsun ai zawn lang na mara ai.

YEREMIA 44:13

Ngai gaw Yerusalem hpe ari jaw ai zawn Egutu mung hta sa shanu nga ai ni hpe mung, hpyen majan, kawsi hpang gara ai hte ana zinli ni hte ari jaw na nngai.

YEREMIA 46:14

“Egutu mung na mare ni rai nga ai Migdola, Memhpi hte Tahpan mare ni hta ndai shiga htawn tsun mu: dai gaw ‘Nanhte a hkum hpe makawp maga na matu jin jin rai nga mu; nanhte kaw nga ai ni yawng gaw hpyen majan hta shaza hkrum na rai myit dai!

YEREMIA 46:19

Egutu masha ni e, bawng dung sa wa na matu jin jin rai nga mu! Memhpi mare gaw masha kadai mung n shanu ai hte shingran sharat katsi ai shara tai mat na ra ai.

EZEKELA 30:13

Tsaw Htum ai dai Madu gaw, “Memhpi mare na hpara sumla ni hte n teng n man ai karai ni hpe jahten kau na nngai. Kadai mung Egutu mung hpe up hkang lu na n rai, ngai gaw mungdan masha yawng hpe jahkrit shama na nngai.

EZEKELA 30:16

Ngai gaw Egutu mung hpe wan nat dat na nngai, Pelusim gaw tsin-yam tsindam hkrum na ra ai. Thebe mare bunghku ni agrawp daw kau hkrum ai hte mare gaw hka mawru e kaput, kau hkrum na ra ai.

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

HOSEA 11:11

Shanhte gaw Egutu mung na chyang ai ntsa malen u ni zawn mung, Asuri mung na hkrudu ni zawn mung du sa wa na mara ai. Ngai gaw shanhte hpe shanhte a dum nta ni de bai woi la na nngai. Ngai Madu nan tsun ni ai.”

HOSEA 2:6

Dai re ai majaw, ngai gaw shi a lam pat kau lu hkra, ju hpun ni hte shakum kum nhtawm bunghku langai galaw na nngai.

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

ZEHPANI 1:11

Hpaga ga ai masha ni yawng si htum mat ma sai majaw, mare a lawu maga de nga ai nanhte gaw dai lam na ai shaloi, hkrap shabam nga myit dai!

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;