HOSEA 9:4 - Jinghpaw Common Language Bible 2009

⁴ Shanhte gaw ndai maigan mung ni hta dai Madu hpe sabyi hkungga nawng ya lu na n rai; shi a matu shagu hkungga la sa ya lu na n rai. Dai hpe sha ai ni langai hte langai gaw makoi mayang lusha sha ai zawn awu asin rai nga ai. Dai gaw shanhte kawsi kyet ai shaloi myit shadik sha ai lusha rai nga ai; dai hpe Madu a Nawku Htingnu de hkungga shatai na matu la sa mai na n rai.

Jinghpaw Hanson Version Bible

⁴ Shanhte gaw Yehowa a matu, tsabyi jahku dumhpung ru jaw lu na, n rai, dai hta shi awng sharawng lu na, n rai; shanhte a shagu hkungga gaw, sharung shayawt ai ni a shahpa hte bung na ra ai; sha ai ni yawng awu asin hkrum na mara ai: shanhte a shahpa hpe, tinang hkrai sha mu ga; dai gaw Yehowa a nta hta shawn lu na, n rai.

HOSEA 9:4 ပူးပေါင်းရင်းမြစ်များ

PRU MAT 29:40

Shawng nawng jau ai sagu kasha hta jet ai tsanlun sau laku mi hte kayau ai kaja ai hkaulan mam shadung pawng 2 hte sabyi jahku laku mi bang nna hkungga ru hkaw na rai ndai.

PRU MAT 40:23

dai shara hta dai Madu a matu nawng jau ai muk hpe mara da nga ai; dai mung dai Madu Mawshe hpe hkang da sai hte maren rai nga ai.

ESAIA 57:6

Nanhte gaw dai shara hkan na manen tsawm ai nlung ni hpe hta la nna dai ni hpe karai ni hku nawku myit dai. Nanhte gaw shanhte hpe shagu hkungga ni hpe zawn sabyi ru hkaw nna shadung hkungga ni hpe la sa ya nga myit dai. Ngai gaw ndai zawn re ai amu ni yawng hta awng sharawng nga nngai ngu nanhte myit nawn da myit ni?

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 16:7

Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

EZEKELA 24:17

Na a hkrap sharung ai nsen hpe hkum na shangun nga et. Sharung shayawt ai kumla zawn bunghkaw n hkaw ai hte lagaw kaman hte hkum hkawm et. Na a myi man hkum magap et; sharung shayawt ai ni sha ai lusha hkum sha et,” ngu nna tsun wu ai.

EZEKELA 24:22

Dai hpang, ngai galaw ni ai zawn nanhte galaw na marin dai. Nanhte gaw myi man magap lu na myit dai n rai, sharung shayawt ai ni a lusha hpe mung sha lu na myit dai n rai.

Daniela 1:8

Daniela gaw hkawhkam wang na lusha sha ai hte sabyi ntsin lu ai hku nna shi a hkum hpe htung hte maren n san n seng n tai hkrup na matu myit daw dan da nga ai, dai rai nna shi gaw Ashpena hpe karum hpyi ai hte,

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:9

Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

JAW JAU 17:11

Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

JAW JAU 21:21

Hkinjawng Arun a amyu hta na hkum hkrang loi mi ra rawng sai wa kadai mung ngai hpe lusha hkungga nawng ya mai nga ai n rai.

JAW JAU 21:6

Shi gaw chyoi pra nga lu na rai nna nye a mying ningsang hpe jahpoi lu na n rai. Shi gaw ngai hpe lusha hkungga nawng jau ai wa rai nna chyoi pra nga lu na rai wu ai.

JAW JAU 21:8

Ngai hpe lusha hkungga sak jaw nga ai hkinjawng re majaw amyu masha ni mung shi hpe chyoi pra ai hku myit nawn na rai ma ai. Ngai gaw dai Madu rai nna chyoi pra nga nngai majaw nye a amyu masha ni hpe chyoi pra shangun na mawe ai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

MALAHKI 2:13

Ndai gaw nanhte galaw ai kaga amu rai nga ai. Nanhte gaw dai Madu a tawn hkungri hpe myi prwi, hkrap ngu hkrap ngoi hte madai nna ka-up da myit dai, hpa majaw nga yang nanhte shi hpang de la sa ai shagu hkungga ni hpe loi mi mung hkap la ai n rai.

BU HKAWM 19:11

Si mang hkra ai wa kadai mung htung masa hku nhtoi sanit ya tup n san n seng nga ai.

BU HKAWM 28:2

shi a matu manam pyaw ai sangau shatai na, dai ra ai lusha hkungga ni hpe ladaw tawn da ai aten ni hta Karai Kasang hpe nawng jau na matu Israela amyu masha ni hpe matsun na lam hkang dat wu ai.

BU HKAWM 4:7

Dai Madu hpe nawng jau ai muk ku ntsa hta sawm tsit ai sumpan hpe kahpyan da nhtawm de a ntsa e hka wan ni, manam pyaw ai baw bang ai ban ni, hkungga nawng ya ai gawm ni hte sabyi nawng yang lang ai ngoi ni mara da na rai ma ai. Muk ku ntsa hta muk hpe tut nawng mara da na rai ma ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

TARA JAHPRANG 26:14

Sharung shayawt ai hkrum yang, dai hta tawn jaw ai lusha hpe ngai sha we ai n rai; ngai hta htung hte maren n san n seng nga yang, nye a nta na arai hpa hpe mung ngai la shapraw we ai n rai; si sai masha a tsu hpe hkungga ngai nawng ya we ai n rai. O Madu e, ngai gaw na a ga madat ni ai; htam shi hta na htam mi hte seng ai nang hkang da mada ngai galaw ni ai.