HOSEA 9:13 - Jinghpaw Common Language Bible 2009

¹³ Madu e, ngai gaw shanhte a kashu kasha ni hkwi hkrum nna sat kau hkrum nga ai hpe mu lu nngai.

Jinghpaw Hanson Version Bible

¹³ Ehprim gaw, ngai mu ai hte maren, Turu mare zawn, ngwipyaw ai shara hta dè nga timung, shi gaw tinang a kashu kasha ni hpe, sat kau ai wa a lata hta, sa ap ya na ra ai.

HOSEA 9:13 ပူးပေါင်းရင်းမြစ်များ

2 HKAWHKAM 15:16

Menahem gaw Tiza mare kaw nna pru hkawm wa yang, Tapua mare masha ni shi hpe asum n jaw mu ai majaw dai mare, mare masha ni hte de a grup yin shara hpe atsai awai jahten shaza kau wu ai. Na-um nasin byin ai numsha ni hpe pyi shi kan ga kau ya wu ai.

YOBA 27:14

Shanhte gaw shadang sha law law lu ma ti mung shanhte yawng gaw majan e sat kau hkrum na mara ai; shanhte a kashu kasha ni gaw galoi mung hkru sha na ma ai n rai.

YEREMIA 7:15

Na a makyin jinghku ni rai nga ai Israela amyu masha ni hpe ngai shaden kau we ai zawn nang hpe mung nye a myi man kaw nna shaden kau na we ai. Dai Madu ngai nan tsun ni ai.”

YEREMIA 9:21

Si Du gaw anhte a hkuwawt hku tawt bang nna anhte a hkawhkam htingnu ni hta shang nga ai; ma kaji ni hpe lam nmaw hkan, shabrang ni hpe shawa gat ginra ni hkan sat sharu kau da nga ma ai.

SHARUNG SHAYAWT 2:22

Nang gaw nye a grup yin ni yawng hta hkrit hpa poi langai galaw na matu gumlau hpyen ni hpe shaga da nit dai, Dai na a masin kahtet ai shani e, kadai mung n hprawng lawt lu nga ai. Ngai tsaw ra nna bau maka tawn ai nye a ma ni hpe shanhte sat kau ya ma ai.

EZEKELA 27:3

hkin-gau mayan shagu hta shanu nga ai masha ni hte hpaga ga ai mare ngu ai dai Turu a matu sharung shayawt ai mahkawn hkawn u. Tsaw Htum ai dai Madu tsun nga ai mungga shi hpe htawn tsun u: “Turu e, nang gaw na a hkum tsup tsawm htap ai hta shakawng nga nit dai.

HOSEA 10:14

hpyen majan gaw nanhte a amyu masha ni kaw du nna nanhte a hpyen dap ni hten byak mat na mara ai. Dai gaw Betarbela mare hta hpyen majan byin ai shani Hkawhkam Shalman e jahten sharun kau ai mare zawn tai mat nna, kanu ni hte shanhte a kashu kasha ni mung adit sat kau hkrum nga masai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

HOSEA 13:8

Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 9:16

Israela amyu masha ni gaw aru hkraw mat ai hpun bawng langai hte bung nga ma ai majaw asi n si lu nga ai. Shanhte hta kashu kasha shaprat lu na n rai; shangai wa ai rai yang, shanhte grai tsaw ra ai kashu kasha ni hpe ngai sat kau na we ai,” ngu nna tsun wu ai.

AMO LAIKA (AMOS) 7:17

Dai rai nna, Amazia e, dai Madu gaw nang hpe, ‘Na a madu jan gaw mare hta shawa num tai na ra ai, na a kashu kasha ni majan hta sat kau hkrum na mara ai. Na a lamu ga gaw karan kau hkrum nhtawm kaga ni hpe jaw kau ra na ra ai, nang nan gaw n san n seng ai mung hta si na rai ndai. Israela amyu masha ni gaw kaja wa shanhte a mung kaw nna bawng dung hkrum mat wa na mara ai,’” ngu nna tsun wu ai.