HOSEA 9:11 - Jinghpaw Common Language Bible 2009

¹¹ Israela a galu kaba ai gaw ntsa malen u zawn pyen mat wa nna, dai yang e shanhte a matu ma n shaprat, numsha ma ni hkum gawng n li, ma hkum n tai rai na mara ai.

Jinghpaw Hanson Version Bible

¹¹ Ehprim a arawng sadang gaw, u zawn pyen mat na ra ai; shangai chyinghkai n nga, gawngli ai mung n pra, kasha shaprat ai kata na ra ai.

HOSEA 9:11 ပူးပေါင်းရင်းမြစ်များ

NINGPAWT NINGHPANG 41:52

Shi gaw, “Ngai ru yak tsin-yam tsindam sa hkrum ai mung hta Karai Kasang ngai hpe kashu kasha jaw ya ni ai,” ngu nna tsun wu ai. Dai majaw dai shadang sha hpe Ehprim ngu nna shamying wu ai.

NINGPAWT NINGHPANG 49:22

“Yosep gaw hka hpawk makau e nga ai lawze shazai hte Kawng nhkrem hkan hkawm nga ai gumra kasha shazai hte bung nga ai.

2 SAMUELA 6:23

Shawlu a shayi sha Mihkala chyawm gaw kashu kasha langai mi mung n lu nga ai.

YOBA 18:5

N hkru ai wa a nhtoi gaw naw nip mat wa na ra ai; de a wan shinglet gaw galoi mung bai hkru wa lu na n rai.

SHAKAWN KUNGDAWN 58:8

Hkoi lapawp gaw shi a bawp nen byawng mat ai zawn rai mat mu ga; nhtoi hpe galoi mung n mu yu ai nbya ma zawn, shanhte rai mat mu ga.

HPAJI NINGLI 6:3

Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

HOSEA 10:5

Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 4:7

“Nanhte hkinjawng ni grau law htam wa magang, nanhte ngai hpe yubak galaw shut magang rai nga myit dai, dai rai nna ngai gaw nanhte a shagrau sha-a lam hpe jahpoi asawng hkrum ai de kayin kau dat ya na nngai.

HOSEA 5:9

Ari jaw ai nhtoi gaw du wa nga sai, Israela gaw hten run mat na ra ai. Israela amyu masha ni e, ndai lam teng teng byin wa na ra ai!

HOSEA 9:14

Ndai amyu masha ni galaw na amu ngai nang hpe kaning ngu san yu na rai ta? Shanhte a numsha ni hpe maudung dung shangun u; shanhte a ma chyangai ni hpe n lu bau maka shangun nga u!

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

LUKA 23:29

Hpa majaw nga yang, ‘Ma n lu yu ai num, na-um nasin n rai yu ai hkum hte chyu n jaw yu ai kanu ni gaw a lu ma ai,’ nga nna masha ni tsun na ten du na ra ai.

TARA JAHPRANG 28:18

“Dai Madu gaw nanhte hpe kashu kasha matu mara n law ai hku mung, nsi naisi n ja kat ai hku nna mung, sagu dumsu yam nga n law htam ai hku mung, dagam kau na ra ai.

TARA JAHPRANG 33:17

Usu n-gun mung, hpawlam nrung mung Yosep hta rawng nga ai; Shi a nrung gaw Manashe a matu hkying hkying rai nna, Ehprim a matu mun mun rai nga ai. Dai ni hte masha amyu ni hpe daru nna, lamu ga htum hkra dai ni hpe kanawng sit kau na mu ai.”