HOSEA 9:10 - Jinghpaw Common Language Bible 2009

¹⁰ Dai Madu gaw, “Israela hpe shawng nna ngai mu yang, dai gaw zaibru jang e tu ai sabyi si hpe mu tam ai zawn rai nga ai. Nanhte a kaji kawa ni hpe shawng nnan ngai mu ai shaloi dai gaw shawng si ai lagum hpun kaw shawng myin ai lagum si ni hpe mu ai zawn rai nga ai. Rai ti mung shanhte Peora Bum de sa wa mu yang, Bala hpe nawku hpang wa ma ai rai nna kade n na yang, shanhte tsaw ra ai hpara ni zawn matsat shabat tai wa masai.

Jinghpaw Hanson Version Bible

¹⁰ “Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

HOSEA 9:10 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

2 HKAWHKAM 17:11

tara maigan tawn hkungri ni yawng a ntsa hkan manam pyaw ai baw nat nawng nna, mungdan kaw nna dai Madu shaden shapraw kau ai masha amyu ni a lailen hta hkan dagraw nga ma ai. Shanhte galaw ai n hkru n shawp ai amu ni hpe galaw nna dai Madu a masin pawt ai hpe shanhte jasu sharawt ya ma ai;

SHAKAWN KUNGDAWN 115:8

Dai hpara sumla ni hpe tawk galaw ai ni hte, shanhte hpe kam sham nga ai ni gaw shanhte galaw ai hpara sumla ni zawn sha, rai nga mu ga.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

ESAIA 28:4

Gumrawng gumtawng ai ningbaw ni a nyui mat ai arawng sadang gaw mangai aten myin wa ai hte rau di sha kau ai shawng na maihpang si zawn shanhte hkoi mat wa na mara ai.

YEREMIA 11:13

Yuda amyu masha ni gaw shanhte a mare ni law nga ai made karai ni mung law nga ma ai; Yerusalem mare masha ni mung mare kata hta nmaw lam ni law nga ai zawn matsat shabat re ai Bala hpara hpe shagu hkungga nawng jau ya na matu tawn hkungri ni hpe gaw sharawt da nga manu ai.

YEREMIA 24:2

Shawng na ka hta shawng myin sai lakum si ni hte kaja ai lakum si ni rawng nga ai. Kaga langai mi hta chyawm gaw n sha mai ai lakum si ni hte n kaja ai lakum si ni rawng nga ai.

YEREMIA 3:24

Rai ti mung, kaya kahpa a karai, Bala hpe nawku ai gaw moi chyaloi nhkoi prat kaw nna anhte a kaji kawa ni galaw shakut da sai sut gan ngu ai dumsu uhpung, sagu bainam uhpung hte shayi shadang sha ni hpe jahtum kau ya nu ai.

YEREMIA 3:25

Anhte gaw kaya kahpa hte kaleng taw nga ang saga ai, anhte a kaya kahpa gaw anhte hpe ka-up da mi ga. Anhte hte anhte a kaji kawa ni gaw dai Madu anhte a Karai Kasang hpe tut nawng yubak galaw kau saga ai; anhte gaw shi a hkang da ai ga hpe galoi mung n madat kau saga ai.”

YEREMIA 31:2

Si hkrung si htan kaw na lawt wa ai amyu masha ni hpe nam mali e matsan dum la ai lam ngai madun dan ni ai. Israela amyu masha ni ban sa la na matu marit nga ma ai shaloi,

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

HOSEA 11:1

Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

HOSEA 13:5

Ngai gaw nanhte hpe hkun hkraw ai nam mali kata e bau maka wa ni ai.

HOSEA 2:15

Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

HOSEA 4:14

Ti mung, Nanhte hkum nan htingnu shawa num ni hte rau hkawm sa nna shanhte hte rau tara maigan hpe nanhte shagu hkungga ni nawng ya nga myit dai ndai amu a majaw ngai shanhte hpe ari jaw na n rai. Ga shagawp hta tsun da ai hte maren, ‘Nyan n rawng ai masha gaw hten run mat ai hkrum na ra ai,’ nga nga ai.

HOSEA 4:18

Sabyi nang hkra lu ngut ai hpang, shanhte gaw shawa num amu galaw ai hpe ra sharawng ma ai, kaya kahpa amu galaw na ra nga ma ai.

AMO LAIKA (AMOS) 4:5

Karai Kasang kaw chyeju dum ai myit hte sa nna nanhte a muk nawng jau mu, nanhte la sa ai shajan hkungga ni tsun shakawng dan mu! Dai zawn re ai amu galaw na nanhte tsaw nga myit dai.

MIHKA 7:1

Myit mada shara n nga nga a hka! Ngai gaw myin ai namsi di la kau ngut sai hpun ni hte sabyi ru hta sabyi si ni n si mat sai hpe mu nna kawsi kyet ai masha wa zawn rai nga nngai. Sabyi si sumbaw ni yawng hte mu mai ai lakum si ni yawng hta la kau sai.

BU HKAWM 15:39

Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

BU HKAWM 18:13

Dai ni yawng gaw na a matu rai nga ai. Na a dinghku na san seng ai masha shagu gaw dai ni hpe sha mai nga ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.

TARA JAHPRANG 32:17

Shanhte gaw karai jet n re ai ni hpe mung, shanhte a kaji kawa ni galoi mung n chye ai hpara ningnan ni hpe mung, Israela ni galoi mung n madat n mara yu ai hpara ni hpe mung hkungga nawng ya ma ai.

TARA JAHPRANG 4:3

Nanhte hkum nan mung Peora Bum e, dai Madu galaw dan sai amu hpe mu manit dai. Dai yang e Bala hpara nawku ai masha shagu hte hpe shi shamyit kau nu ai,

TARA AGYI 6:32

Yoasha gaw, “Hten run mat sai shi a tawn hkungri hpe Bala shi nan makawp la u ga,” ngu wu ai majaw dai aten kaw nna Gidon hpe Yerubala ngu nna shamying wu ai.