HOSEA 8:4 - Jinghpaw Common Language Bible 2009

⁴ “Nye a amyu masha ni hkawhkam ni hpe lata la nga ma ti mung, shanhte myit ra ai hku galaw ma ai. Shanhte gaw ningbaw ni hpe san da ma ti mung, nye a myit ra ai hku n rai ma ai. Shanhte gaw hten byak ai hkrum hkra nga, aja, gumhpraw ni hpe la shapraw nna hpara sumla ni galaw ma ai.

Jinghpaw Hanson Version Bible

⁴ Shanhte gaw hkawhkam hpe aya dang timung, nye a ahkang hte n rai; du hpe tawn da timung, ngai n chye nngai: shanhte shamyit kau ai hkrum hkra, tinang a aja gumhpraw hte tinang a matu, hpara sumla galaw manu ai.

HOSEA 8:4 ပူးပေါင်းရင်းမြစ်များ

1 HKAWHKAM 12:28

Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, “Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,” ngu nna tsun wu ai.

1 HKAWHKAM 13:34

Ndai zawn shi a maga hku nna galaw ai yubak gaw shi a magam tingnyang aru asai matu hpe jahten sharun kau shangun ai hte atsai awai hten za mat shangun nga ai.

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

YEREMIA 16:20

Masha gaw shi a matu hpara sumla ni hpe galaw lu nga a ni? N rai law, shi galaw ai rai yang, dai ni gaw kaja wa teng teng hpara sumla ni rai na mara ai n rai,” nga nna tsun ai.

EZEKELA 18:31

Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

Daniela 3:1

Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 13:11

Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

HOSEA 8:3

shanhte gaw mai kaja ai lam hpe ningdang kau ma ai. Dai lam a majaw, shanhte a gumlau hpyen ni shanhte hpe hkan shachyut na mara ai.

MAHTE 25:12

La ningnan wa mahtang htan nna, ‘Nanhte hpe ngai teng teng tsun made ga, ngai nanhte hpe n chye made ai,’” ngu mu ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

LUKA 13:27

Rai ti mung nta madu wa gaw, “Nanhte kanang na rai myit dai hpe ngai n chye nngai, n hkru n shawp ai masha ni yawng hte e, ngai kaw na pru mat wa mu!,” nga nna tsun na ra ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?