HOSEA 8:2 - Jinghpaw Common Language Bible 2009

² Shanhte gaw ngai hpe shanhte a Karai Kasang rai nga ai nga nna mung, shanhte gaw nye a amyu masha ni rai nga ma ai nga nna tsun ti mung, shanhte ngai hpe chye ma ai ngu ti mung,

Jinghpaw Hanson Version Bible

² Shanhte gaw, Nye a Karai Kasang e, anhte Israela amyu nan nang hpe chye ga ai, nga nna ngai hpe jahtau timung,

HOSEA 8:2 ပူးပေါင်းရင်းမြစ်များ

2 HKAWHKAM 10:16

“Ngai kaw hkan nang nna dai Madu hta ngai gade sha kam sham nga nngai hpe nang nan mu na ndai,” ngu nna tsun htang wu ai. Dai hpang shan gaw rau sha Samari mare de jawn sa mat wa ma ai.

2 HKAWHKAM 10:29

Rai ti mung shi gaw Behtela hte Dan mare hta gaw sharawt da ai aja dumsu kasha ni hpe woi nawku let Israela masha ni hpe Yubak lam de woi sa wa ai Hkawhkam Yeroboam a yubak lam hkan dagraw la nga ai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

HOSEA 8:3

shanhte gaw mai kaja ai lam hpe ningdang kau ma ai. Dai lam a majaw, shanhte a gumlau hpyen ni shanhte hpe hkan shachyut na mara ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MAHTE 25:11

“Dai hpang mahkawn kaga ni du wa nna, ‘Madu e! Madu e! Anhte hpe hpaw la mi!,’ ngu nna hpyi mu ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

1 YAWHAN 2:4

Ngai shi hpe chye chyap nngai, nga nna marai langai ngai tsun ti mung, shi a hkang da ai ga hpe n madat n mara a yang gaw, dai wa gaw masu ai wa rai nga ai hte dai teng man ai gaw shi hta n rawng nga ai.