HOSEA 8:14 - Jinghpaw Common Language Bible 2009

¹⁴ “Israela amyu masha ni hkawhkam htingnu ni gap ma ti mung, shanhte a htingnu Gap Ya Ai Wa hpe malap kau manu ai. Yuda masha ni mare bunghku ni kum da ma ai; rai ti mung ngai gaw wan hpe dat dat nna dai gaw shanhte a hkawhkam htingnu ni hte mare ni hpe hkru kau na ra ai.”

Jinghpaw Hanson Version Bible

¹⁴ Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.

HOSEA 8:14 ပူးပေါင်းရင်းမြစ်များ

1 HKAWHKAM 12:31

Yeroboam gaw kawng pungding ntsa hkan e nawku shara ni hpe gap da wu ai hte Lewi amyu bawsang n re ai dinghku ni hta na hkinjawng ni hpe shi lata san da wu ai.

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

2 HKAWHKAM 18:13

Hkawhkam Hezekia hkaw dung ai shi mali ning hta, Asuri Hkawseng Senahkerib gaw Yuda mung na bunghku kum ai mare ni hpe htim gasat nna dang la kau nga wu ai.

2 HKAWHKAM LABAU 26:10

Shi gaw bum ga hkan e ngang ai langchyi ni hpe gap da nhtawm, sinna maga de na bum lagaw ni hte pa layang hkan e nga ai yam nga hpung law law nga ai majaw hka lawng law law hpe mung galaw da wu ai. Shi gaw sun hkauna galaw sha ai amu hpe yu sharawng wu ai majaw bum ga hkan e sabyi sun galaw na matu mung, namhpun rawng ai ga hta hkauna galaw na matu mung amyu masha ni hpe n-gun jaw shadut wu ai.

2 HKAWHKAM LABAU 27:4

Shi gaw Yuda mung na bum ni hta mare de da nhtawm maling ni hkan hpyen dap hte langchyi ni gap da wu ai.

SHAKAWN KUNGDAWN 106:21

Egutu mung hta shi a mauhpa magam amu ni hte shanhte hpe hkye hkrang da ai Karai Kasang hpe shanhte malap kau mu ai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

ESAIA 17:10

Israela e, nang gaw nang hpe hkye mawai la ai hte ja ai lunghkrung zawn nang hpe makawp maga ai Karai Kasang hpe malap kau nga nit dai. Shing rai na malai, nang gaw maigan karai hpe nawku na nga, chyoi pra ai sun ni hpe hkai da nga ndai.

ESAIA 29:23

Ngai nanhte hpe jaw ya na dai kashu kasha ni hpe nanhte mu myit dai shaloi, ngai gaw Israela a chyoi pra ai Karai Kasang rai nga nngai hpe nanhte yin la na rai myit dai. Nanhte ngai hpe shagrau sha-a na myit dai, ngai hpe hkrit kamyin na myit dai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

ESAIA 9:10

“Wut dum nta ni kadawng daw mat sai, rai ti mung anhte de a shara hta nlung dum nta ni hpe gaw gap da na ga ai. Lakum hpun ngauring ni hpe kran daw kau sai, rai ti mung anhte de a shara hta manu dan ai arit hpun ngauring ni hpe galai bang da na ga ai,” ngu nna tsun ma ai.

ESAIA 9:9

Israela amyu masha ni yawng hte Samari mare hta shanu nga ai masha hkum shagu hte gaw shi galaw dan sai ndai amu hpe chye wa na mara ai. Ya chyawm gaw, shanhte gumrawng gumtawng ai hte myit tsaw myit dap nga ma ai. Shanhte gaw,

YEREMIA 17:27

Rai ti mung, shanhte gaw nye a ga hpe madat mara nna chyoi pra ai shani hku nna Bansa Nhtoi hpe hkan sa lu na ma ai. Shanhte gaw dai nhtoi e Yerusalem mare chyinghka lam ni hku lit hpa mung hpai lai lu na ma ai n rai. Shanhte dai hku galaw ai rai yang, dai Yerusalem mare chyinghka ni hpe ngai wan nat kau na we ai. Dai wan gaw Yerusalem a hkaw htingnu ni hpe hkru kau na ra ai; langai mi mung dai wan hpe sat kau lu na ra ai n rai,” nga nna tsun ai.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

YEREMIA 23:27

Shanhte a kaji kawa ni gaw ngai hpe malap kau ai hte Bala hpara hpang de myi man yawng mat wa ma ai zawn, shanhte tsun hkai ai yup mang shingran ni a majaw nye a amyu masha ni ngai hpe malap kau shangun na shanhte myit nawn ma ai.

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 5:17

Shanhte gaw na a nsi naisi ni hte lusha ni hpe sha kau na mara ai; shanhte gaw na a shadang sha ni hte shayi sha ni hpe sat kau na mara ai. Shanhte gaw na a yam nga hpung hte sagu bainam hpung ni hpe mung sat kau ya na mara ai, na a sabyi ru ni hte lakum hpun ni hpe mung jahten kau ya na mara ai. Nang kam nga ai bunghku kum ai mare ni hpe mung shanhte a hpyen luksuk ni jahten kau ya na ra ai.

EZEKELA 23:35

Yu u, ndai gaw Tsaw Htum ai dai Madu tsun nga ai mungga rai nga ai: “Nang gaw ngai hpe malap kau nit dai, ngai hpe shingdu dat kau nit dai majaw na a ngang gayut ai amu hte shawa num amu galaw ai nni nkri hpe hkam sha na rai ndai.”

HOSEA 13:6

Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

AMO LAIKA (AMOS) 1:10

Dai rai nna, ngai gaw Turu mare bunghku ntsa e wan jahkrat dat nna dai mare a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 1:12

Dai rai nna, ngai gaw Teman mare a ntsa e wan jahkrat dat nna Bozra a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

AMO LAIKA (AMOS) 1:4

Dai rai nna, ngai gaw Hkawhkam Hazaela gap da ai hkawhkam htingnu de wan jahkrat dat nna Hkawhkam Benhadad a hpyen dap ni hpe jahkru kau na nngai.

AMO LAIKA (AMOS) 2:5

Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,” ngu nna tsun ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

TARA JAHPRANG 32:18

Shanhte hpe asak jaw ai wa, chyalai n-gun hte hpring ai hkye la Madu, shanhte a Karai Kasang hpe nan malap kau manu ai.