HOSEA 8:10 - Jinghpaw Common Language Bible 2009

¹⁰ Rai ti mung, ya chyawm gaw shanhte hpe ngai rau sha shinggyin la nna ari jaw na we ai. Suri hkawseng shanhte hpe dip gamyet sha yang, kade n na yang, shanhte machyi gumba mat na mara ai.

Jinghpaw Hanson Version Bible

¹⁰ Gaja wa, shanhte gaw maigan amyu ni hpe kumhpa jaw timung, ngai shanhte hpe ya shinggyin tawn nna, shanhte gaw gade n na yang, du ni a hkawhkam wa lit majaw, yawm hpang wa na mara ai.

HOSEA 8:10 ပူးပေါင်းရင်းမြစ်များ

2 HKAWHKAM 14:26

Dai Madu gaw Israela masha ni a hkrit hpa nni nkri hpe mu ya wu ai; shanhte hpe karum la na masha langai mi pyi n nga nga ai.

2 HKAWHKAM 17:3

Asuri Hkawseng Shalmanesa gaw shi hpe gasat wu ai. Hoshea asum jaw wu ai rai nna shaning shagu ahkun hkanse shi hpe jaw ya wu ai.

2 HKAWHKAM 17:4

Rai ti mung laning mi hta, Hoshea gaw karum hpyi na nga, Egutu Hkawhkam So hpang de dat kasa ni hpe shangun dat wu ai. Asuri Hkawseng hpang de shaning shagu jaw ya nga ai ahkun hkanse hpe jahkring kau ya wu ai. Shing rai galaw ai lam hpe Shalmanesa chye jang, Hoshea hpe rim la nna htawng hta sharen da wu ai.

1 HKAWHKAM LABAU 5:26

Dai rai nna Karai Kasang gaw Asuri Hkawseng Pula (shi hpe Tiglat Pilesa ngu nna mung tsun ai) hpe shanhte a mungdan de shang gasat shangun wu ai. Shi gaw Rubin, Gad hte sinpraw maga de na Manashe amyu bawsang ni hpe gau mat wa nhtawm Hala, Habora, Hara hte Gozan hka kau hkan e shanhte hpe tut nawng nga shangun nga ai.

ESAIA 10:8

Shi gaw, “Nye a hpyen du shagu hte gaw hkawhkam rai masai!

ESAIA 30:2

Shanhte gaw ngai kaw hpaji n hpyi ai sha, karum la lam a matu Egutu mung de sa ma ai. Shanhte gaw shanhte hpe makawp maga la na matu Egutu hpe ra marit nga ma ai, dai rai nna shanhte gaw Egutu hkawhkam wa hpe kam hpa nga ma ai.

ESAIA 36:13

Dai hpang hpyen du wa rawt tsap nna Hebre ga hte, “Asuri hkawseng nanhte hpe tsun nga ai ga hpe madat mu.

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

EZEKELA 16:33

Shawa num gaw manu jahpu la ti mung, nang gaw na a sumtsaw sumra ni hpe kumhpa jaw nna shara shagu na ni sa nna kanawn nga lu hkra, shanhte hpe mayun kumhpa jaw nna lau la nga ndai.

EZEKELA 16:37

Ndai lam a majaw, ngai gaw na a moi na sumtsaw sumra ni rai nga ai ni yawng hpe mung, nang ra marit ai ni hte nang n dawng ai ni yawng hpe mung jahpawng tawn na nngai. Ngai gaw shanhte hpe na a grup yin e jahpawng da nhtawm na a singgu krin kaya kahpa hpe mu lu mu ga, na a hpun palawng ni hpe ngai raw sharun kau ya na nngai.

EZEKELA 22:20

Dai hte maren, gumhpraw, magri hkyeng, hpri, machyu hte ajang ni hpe shabyawng na matu jen ya ai wan htung hta bang da nga ai. Wan gaw nhprang arai hpe shabyawng kau ai zawn nye a masin kahtet ai hte n-yun bu ai gaw shanhte hpe shabyawng kau na nngai.

EZEKELA 23:5

Shi gaw nye a matu rai nga ti mung, Ohola gaw shawa num matut galaw ai hte Asuri mung na shi a sumtsaw ni hpe ra gasit ai myit shi hta hpring nga lu ai.

EZEKELA 26:7

Tsaw Htum ai dai Madu gaw, “Turu mare hpe gasat na matu, galu kaba htum ai hkawhkam ngu ai Babelon Hkawhkam Nebuhkadneza hpe ngai woi sa wa na nngai. Shi gaw hpyen gumra ni, hpyen leng ni, gumra jawn ai ni ngu ai hpyen luksuk kaba hte hpawn dingdung maga kaw nna yu sa wa na ra ai.

Daniela 2:37

Madu hkawhkam wa e, nang gaw hkawhkam ni yawng hta galu kaba htum ai wa rai nga ndai. Sumsing lamu a Karai Kasang gaw nang hpe hkawseng shatai nna daru magam n-gun, hpung dagu hte arawng sadang jaw nit dai.

HOSEA 10:10

Ngai gaw ndai yubak galaw ai amyu masha ni hpe htim gasat nna shanhte hpe ari jaw na nngai. Masha amyu baw ni mung shada da shang lawm wa nna shanhte hpe ninghkap na mara ai; shanhte galaw shut ai yubak ni a majaw ari jaw ai hkrum na mara ai.

HOSEA 12:2

Dai Madu gaw Yuda amyu masha ni hpe mara shagun na lam naw nga nga ai: shi gaw Israela hpe mung, shi galaw ai arawn alai hte maren ari jaw na ra ai. Shanhte galaw manu ai amu hte maren, shi shanhte hpe htang jaw na rai wu ai.

HAGI 2:6

“Kade n na yang, ngai gaw sumsing lamu hte ginding aga, hkarang hte panglai hpe ashun na nngai.