HOSEA 7:8 - Jinghpaw Common Language Bible 2009

⁸ Dai Madu gaw ning nga tsun ai: “Israela amyu masha ni gaw ka-ang hkup sha kabaw ai muk tawng langai hte bung nga ai. Shanhte gaw shanhte a grup yin masha amyu baw ni hta shamyet shanat nga ma ai rai nna,

Jinghpaw Hanson Version Bible

⁸ Ehprim gaw maigan amyu ni hte kayau nga ai; shi gaw, maga sha kabaw nna, n galau ai muk pa rai nga ai.

HOSEA 7:8 ပူးပေါင်းရင်းမြစ်များ

1 HKAWHKAM 18:21

Elia mung amyu masha ni nga ai de lung wa nhtawm, “Nanhte gaw gade na hkra hpa mung n daw dan ai nga nga na ngu nga myit ni? Dai Madu gaw Karai Kasang rai nga ai rai yang, shi hpe nawku mu; rai ti mung Bala mahtang karai kasang rai yang gaw shi hpe nawku mu!,” ngu nna tsun wu ai. Rai ti mung amyu masha ni chyawm gaw ga hkaw mi pyi n htan ai sha nga nga ma ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

EZRA 9:12

Shanhte anhte a amyu matu ni dai mungdan hta kabu gara ai hte htani htana madu la shangun na matu rai yang, shanhte gaw dai masha amyu ni hte kayau kaya rai dinghku galoi mung n de na matu mung, shanhte a ngamu ngamai lam hte awng dang ai amu ni hta galoi mung n shang karum la na lam mung anhte hpe tsun mi ai.

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 5:7

Shanhte gaw dai Madu hta sadi n dung nga manu ai; shi gaw shanhte a ma ni hpe n madu nga ai. Dai rai nna, ya chyawm gaw shanhte hte shanhte a lamu ga ni kade n na yang jahten kau hkrum na mara ai.

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

MAHTE 6:24

“Kadai rai ti mung, madu lahkawng a nchyang n tai lu ai; shi gaw langai mi hpe n dawng nna langai wa hpe tsaw ra na wu ai; langai mi hta sadi dung nna, kaga hpe n kaw n law di na wu ai. Nanhte Karai Kasang hpe mung, mungkan ga a sutgan hpe mung rau chyang lu na myit dai n rai.