HOSEA 7:6 - Jinghpaw Common Language Bible 2009

⁶ Rai sa, shanhte gaw shanhte a maw mawn ai lam gaw wan htung zawn hkru nga ma ai. Shanhte a pawt sindawng ai gaw shana tup hkru nga nna jahpawt manap e wan shinglet zawn grung nga ai.

Jinghpaw Hanson Version Bible

⁶ Gaja wa shanhte gaw, gyam yu nga let, tinang myit hpe wan htung zawn kahtet shangun mu ai: shanhte a muk kabaw ai wa gaw, shana tup yup nga timung, dai gaw jahpawt manap e wan shinglet zawn grung nga ai.

HOSEA 7:6 ပူးပေါင်းရင်းမြစ်များ

SHAKAWN KUNGDAWN 21:9

Shi dan pru wa ai shaloi, kang kahtet ai wan gaw arai ni hpe hkru kau ai zawn, shi gaw shanhte hpe shamyit kau na ra ai. Madu gaw shi a masin kahtet ai hte shanhte hpe mayu kau nna; wan mung shanhte hpe hkru kau na ra ai.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.

HOSEA 7:4

Shanhte yawng gaw gumle gumlau re ai ni hte sadi n dung ai ni rai ma ai. Muk kabaw ai wa gaw muk shadung kabaw na matu jin jin galaw da ai aten du hkra wan htung na wan n shagrung ai zawn shanhte a n ju n dawng ai myit gaw kraw kata e hkru nga ai.

HOSEA 7:7

“Shanhte a pawt sindawng ai gaw kahtet kang nga ai rai nna, shanhte gaw shanhte a up hkang du ni hpe sat kau ma ai. Shanhte a hkawhkam ni langai hpang langai lagyim sat kau hkrum nga manu ai, rai ti mung kadai mung karum la na matu ngai kaw akyu n hpyi ma ai.”

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.