HOSEA 7:5 - Jinghpaw Common Language Bible 2009

⁵ Shanhte gaw hkawhkam wa a poi shani hta hkawhkam wa hte shi a du salang ni hpe sabyi hte angawk angak rai mat hkra jaw shanang da nga ma ai.

Jinghpaw Hanson Version Bible

⁵ Anhte a hkawhkam wa a poi shani hta e, du ni gaw nhpat hkra tsabyi jahku hte nang ma ai; shi gaw n kaw n law re ai ni hpe hkap hkalum la nga ai.

HOSEA 7:5 ပူးပေါင်းရင်းမြစ်များ

NINGPAWT NINGHPANG 40:20

Masum ya nhtoi lai jang, hkawhkam wa shi a shangai nhtoi shani hta, shi a du salang ni yawng hpe lusha poi galaw daw wu ai; dai hpang sabyi jau ai wa hte muk kabaw ai agyi yan hpe shi a du salang ni a man de woi shapraw dat wu ai.

1 HKAWHKAM 13:4

Shing nga ai ga hpe Hkawhkam Yeroboam na jang, shi gaw dai wa hpe madi madun let, “Dai wa hpe rim la mu!,” ngu nna hkang dat wu ai. Shaloi hkawhkam wa a lata lahpum gaw kalang lata katsing si mat ai hte bai n dawm la lu mat wu ai.

SHAKAWN KUNGDAWN 1:1

N hkru ai masha ni a hpaji daw ai lam hpe ningdang ai ni, yubak kap ai ni a kasi hta n hkan nang ai ni, Karai Kasang hpe jahpoi asawng ai ni hte rau n dung lawm ai ni gaw a nga ai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

GA SHAGAWP 20:1

Ladu lai chyaru lu ai gaw nang hpe marawn shabam nna angawk shangun nga ai. Chyaru nang apa hkawm ai gaw angawk ai lam rai nga ai.

ESAIA 28:1

Israela mungdan gaw dingnye hkrum nga sai! Dai mung a arawng sadang gaw chyaru ya ningbaw ni a abaw ntsa na nampan janmau ni zawn nyui mat nga sai. Shanhte a gumrawng gumtawng ai abaw ni gaw manam pyaw bat hawm nga ai, rai ti mung shanhte gaw n dum ndam rai lu nang gumpye taw nga ma ai.

ESAIA 28:14

Ya chyawm gaw Yerusalem hta nga ai ndai amyu masha ni hpe up ai myit tsaw myit dap ai ningbaw ni e, dai Madu tsun nga ai ga hpe madat mu.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

HOSEA 7:3

Dai Madu gaw ning nga nna tsun ai: “Masha ni gaw shanhte a n hkru ai maw mawn lam hte hkawhkam wa hte shi a du salang ni hpe masu hkalem ma ai.

MAHTE 14:6

Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai.

MARKU 6:21

Hpang jahtum Herodia gaw shi a matu ahkaw ahkang kaja lu la wu ai. Herod a shangai nhtoi shani hta e, shi gaw asuya ningbaw ningla ni, hpyen du kaba ni, hte Galile mung na dan hkung ai mung masha agyi salang ni yawng a matu shana shat sha poi langai mi galaw daw nga ai.

EHPESU 5:18

Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.