HOSEA 7:2 - Jinghpaw Common Language Bible 2009

² Shanhte gaw dai n hkru ai amu ni hpe hpa zawn n nawn ma ai, ngai gaw dai n hkru ai amu yawng hpe adum nga na nngai; rai ti mung shanhte a yubak mara gaw shanhte hpe shinggrup da nga ai, ngai gaw dai hpe n mu lu hkra koi yen lu nga nngai n rai.

Jinghpaw Hanson Version Bible

² Shanhte a n hkru ai amu mahkra hpe ngai matsing nga nngai, shanhte gaw tinang a kraw e n dum ma ai: ya e pyi tinang a amu ni gaw, shanhte hpe wang tawn nga ai; shanhte gaw nye a man e nga nga ma ai.

HOSEA 7:2 ပူးပေါင်းရင်းမြစ်များ

YOBA 34:21

Shi gaw masha a lahkam shagu hpe mada yu nga ai.

SHAKAWN KUNGDAWN 10:11

Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

SHAKAWN KUNGDAWN 25:7

Nye a ram prat na shut hpyit ai lam ni hte yubak mara ni hpe, raw dat kau ya e. Madu e, na a dinggrin tsaw ra ai myit hte mai kaja ai myit hta ngai hpe adum nga e law!

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

SHAKAWN KUNGDAWN 90:8

Nang gaw anhte a yubak ni hpe na a man e tawn da nna; anhte a makoi magap da ai yubak ni hpe nang mu lu na shara hta e, tawn da ya nga ndai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

ESAIA 44:19

Hpara sumla tawk ai wa gaw htauli htaula nyan hte machye machyang nyan n rawng nga ai rai nna, “Kau chyen mi hpe ngai ju kau ni ai. Wan n-ga ntsa hta ngai muk kabaw ni ai, ngai gaw ashan kakang nna sha kau nngai. Ngai gaw naw ngam ai hpun hpe hpara sumla langai tawk nngai. Ndai yang e ngai gaw hpun tawng langai hpe nawku dingnyawm nga nngai!,” ngu nna tsun ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

YEREMIA 14:10

Dai Madu gaw ndai amyu masha ni hte seng nna, “Shanhte gaw ngai kaw nna hprawng mat wa na ra sharawng ma ai; shanhte gaw tinang hkum ni hpe hkang lu na mara ai n rai. Dai majaw, ngai gaw shanhte hpe awng sharawng nga nngai n rai. Shanhte galaw shut kau sai mara ni hpe ngai dum nga nna shanhte a yubak ni a majaw shanhte hpe ari jaw na we ai,” nga nna ngai hpe tsun ai.

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

YEREMIA 17:1

Dai Madu gaw, “Yuda amyu masha ni e, na a yubak hpe hpri masen hte ka da nga ai; dai gaw na a kraw lawang hta hpailung masen hte mung, na a tawn hkungri ni a njut shara ni hta mung, tawk ka da nga ai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 32:19

Nang gaw hpaji rawng ai shatawng shada lam ni hpe shachyen nna mauhpa magam bungli ni hpe galaw nga ndai; nang gaw amyu masha ni galaw ai amu baw hkum sumhpa ni hpe mu nga ndai; shanhte galaw shapraw ai amu hte maren, nang shanhte hpe kumhpa jaw ya nga ndai.

YEREMIA 4:18

Yuda e, Nang hkan nga ai sat lawat hte nang galaw da sai amu ni a majaw ndai lam nang hkum nan hkrum sha nit dai. Na a yubak gaw ndai nni nkri hpe shabyin dat nu ai; dai gaw na a myit masin hku achyaw galun ya nga sai.

YEREMIA 44:21

“Nanhte hte nanhte a nji nwa ni, nanhte a hkawhkam ni hte nanhte a du salang ni hte mung masha ni, Yuda mare ni hte Yerusalem mare lam ni hta nanhte nawng jau ai shagu hkungga lam ni hpe dai Madu n chye ai hte malap kau na wu ai ngu nna nanhte myit nawn da mu ni?

EZEKELA 21:29

Nang mu ai shingran ni gaw n teng n man nga ai; nang tau tsun da ai shaba wawt ga ni gaw masu ai lam hkrai rai nga ai. Nang gaw n tara ai hte n hkru ai wa rai nga ndai; na a aten ngu ai jahtum na ari jaw ai na a nhtoi gaw du wa nga ai. Dai nhtu gaw na a du ntsa e mara taw nga sai.

HOSEA 12:2

Dai Madu gaw Yuda amyu masha ni hpe mara shagun na lam naw nga nga ai: shi gaw Israela hpe mung, shi galaw ai arawn alai hte maren ari jaw na ra ai. Shanhte galaw manu ai amu hte maren, shi shanhte hpe htang jaw na rai wu ai.

HOSEA 4:9

Nanhte gaw amyu masha ni hkam sha ai ari nan hkam sha na rai myit dai! Ngai gaw nanhte hpe ari jaw nna nanhte galaw ai n hkru ai amu a matu ngai matai htang na we ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

HOSEA 9:15

Dai Madu gaw, “Shanhte galaw ai n hkru ai amu mahkra Gilgala mare kaw na hpang dat dat rai nga ai. Dai gaw shanhte ngai hpe dai yang e n dawng ai myit shawng rawng shangun nga masai. Shanhte galaw shut kau sai n hkru ai amu a majaw, nye a mungdan kaw nna shanhte hpe gawt shapraw kau na mawe ai. Shanhte hpe ngai galoi mung tsaw ra sana we ai n rai; shanhte a ningbaw ni yawng mung ngai hpe gumlau nga masai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

AMO LAIKA (AMOS) 8:7

Dai Madu Israela a Karai Kasang gaw ning ngu dagam nu ai: “Ngai gaw shanhte a n hkru ai arawn alai ni hpe galoi mung malap kau na n rai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

LUKA 12:2

Magap ka-up da ai arai hpa rai tim, hpaw malang dat na ra ai; masha n chye lu hkra makoi da ai lam nga manga mung dan dawng pru wa na ra ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

TARA JAHPRANG 32:29

Shanhte gaw hpa lam a majaw sum mat ma ai hpe n mu lu ma ai; kaning rai byin sai lam hpe shanhte n chye na lu ma ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.