HOSEA 7:16 - Jinghpaw Common Language Bible 2009

¹⁶ Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

Jinghpaw Hanson Version Bible

¹⁶ Ntsa e dung ai wa hpang de, shanhte nhtang wa ma ai, n rai: shanhte gaw n ding ai ndan hte bung ma ai; du ni a shinglet grang ai ga tsun ai majaw, shanhte gaw nhtu hte si na mara ai: dai gaw Egutu mung hta e, shanhte hkrum na asawng asang lam rai nga ai.

HOSEA 7:16 ပူးပေါင်းရင်းမြစ်များ

SHAKAWN KUNGDAWN 12:3

Madu e, abawk ai ga tsun ai shinglet ni hpe shazim kau u! “Anhte a n-gup ga ni hte anhte ra ai lam lu la ga ai, anhte hpa ra sharawng ai lam hpe tsun dan na ga ai hte langai mi mung anhte hpe jahkring da lu na n rai,” nga nna shakawng ai ga tsun ai n-gup ni hpe pat kau ya u.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 17:10

Shanhte gaw matsan dum ai myit n rawng ma ai hte gumrawng gumtawng ai myit hte tsun ma ai.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 73:9

Shanhte gaw sumsing lamu na Karai Kasang hpe n kaja ai hku shatan nhkan ga tsun nna ga ntsa e nga ai masha ni hpe chyawm gaw, myit tsaw myit dap ai hkang da ai ga ni hte aming jaw ma ai.

SHAKAWN KUNGDAWN 78:37

Shanhte gaw shi hta sadi dung nga ai ni n rai nga ma ai; shi hte ga shaka tawn da ai lam hta mung kangka ai ni n rai ma ai.

SHAKAWN KUNGDAWN 78:57

Shanhte a kaji kawa ni zawn, sadi n dung ai sha gumlau ai ni rai nga ma ai; magaw ai ndan pala zawn, n mai kam ai ni rai ma ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 42:18

“Dai Madu Israela a Karai Kasang gaw, ‘Nye a pawt sindawng ai hte masin kahtet ai hpe Yerusalem masha ni a ntsa e ru bun ai zawn nanhte Egutu mung de yu sa ai rai yang nanhte a ntsa e mung nye a masin kahtet ai hpe ru bun na nngai. Nanhte gaw yu hkrit shara tai na marin dai; masha amyu ni mung nanhte hpe asawng asang di ai hte na a amying hpe dagam dala ga tsun ai hta lang na mara ai. Nanhte gaw ndai shara hpe galoi mung bai mu lu na ra ai n rai,’” ngu nna tsun wu ai.

EZEKELA 23:32

Tsaw Htum ai dai Madu gaw, “Nang gaw na a kana a gawm kaw na lu na rai ndai; dam lada nna sung nga ai. Masha shagu gaw nang hpe asawng asang di nna ashu na mara ai; dai gawm gaw hpring nga ai.

EZEKELA 36:20

Shanhte shara shagu de du hkawm mat wa yang, ‘Ndai ni gaw dai Madu a amyu masha ni rai nga ma ai, rai ti mung shanhte gaw shi a mungdan kaw nna pru wa nga masai,’ ngu nna masha amyu ni tsun ma ai majaw, shanhte gaw nye a chyoi pra ai mying ningsang hpe jahten kau ya nga ma ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

HOSEA 11:5

“Shanhte gaw ngai hpang de nhtang wa na matu ningdang kau ma ai, dai rai nna shanhte gaw Egutu mung de nhtang wa lu na rai ma ai, Asuri gaw shanhte hpe up na mara ai.

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

HOSEA 9:4

Shanhte gaw ndai maigan mung ni hta dai Madu hpe sabyi hkungga nawng ya lu na n rai; shi a matu shagu hkungga la sa ya lu na n rai. Dai hpe sha ai ni langai hte langai gaw makoi mayang lusha sha ai zawn awu asin rai nga ai. Dai gaw shanhte kawsi kyet ai shaloi myit shadik sha ai lusha rai nga ai; dai hpe Madu a Nawku Htingnu de hkungga shatai na matu la sa mai na n rai.

HOSEA 9:6

Tsin-yam tsindam du nna amyu masha ni shaden kau ai hkrum ma ai shaloi, Egutu masha ni shanhte hpe hpawng shinggyin la nna Memhpi e lup makoi kau na ma ai! Shanhte a gumhpraw sut hte shanhte a dum nta nga ai shara ni gaw tsingdu tsingman ni hte ju sumwum ni lim ka-up kau hkrum na mara ai.

MALAHKI 3:13

Dai Madu gaw, “Nanhte gaw ngai hte seng ai hkrithpa amu ni hpe tsun myit dai. Rai ti mung nanhte gaw, ‘Nang hte seng ai lam anhte hpa baw tsun kau saga ta?,” ngu nna san myit dai.

MALAHKI 3:14

Nanhte gaw, “Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?

MAHTE 12:36

Nanhte hpe ngai tsun made ga, Tara Dara ai Nhtoi hta e, masha ni gaw tinang a akyu n nga ai hku tsun kau yu ga sai ga ni a matu jahpan dan nna jeyang daw dan ai hkrum na mara ai, ngu mu ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

YAKU 3:5

Shinglet mung dai hte maren rai nga ai. Dai gaw hkum hkrang a daw shan hta kaji sha rai nga ti mung shakawng gumrawng ai lam hta kaba nga lu ai. Kachyi sha re ai wan numli gaw ning san ai nam maling kaba hpe hkru kau lu ai hpe she myit yu mu.

2 PETRU 2:8

Dai ding hpring ai masha gaw shanhte a kata e nga nga ai shaloi e, lani hte lani shanhte agalaw nga ai n hkru n kaja ai amu ni hpe mu lu, na lu nga ai majaw myit hta nachying tsin-yam tsindam hkrum sha taw nga ai.

SHINGRAN 13:5

Dai matse labye gaw, shakawng gumrawng ai hte Karai Kasang hpe shatan nhkan ga tsun na mung, shata mali shi lahkawng tup up hkang na ahkang mung lu tawn da wu ai.