HOSEA 7:13 - Jinghpaw Common Language Bible 2009

¹³ “Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

Jinghpaw Hanson Version Bible

¹³ Shanhte ngai kaw na pru mat wa ai majaw, dingnye lu mu ga; ngai hpe shut hpyit ai majaw, hten byak hkrum mu ga: ngai shanhte hpe shaw la mayu timung, shanhte nye a lam masu ga tsun nga ma ai.

HOSEA 7:13 ပူးပေါင်းရင်းမြစ်များ

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

YOBA 22:17

Dai ni gaw Karai Kasang hpe ningdang kau ai masha ni rai nna; shi shanhte a matu hpa n lu galaw ya nga ai, ngu kam ma ai.

SHAKAWN KUNGDAWN 106:10

Shi gaw n ju n dawng ai ni a lata na shanhte hpe mawai la nu ai, shanhte a hpyen ni kaw na shi shanhte hpe hkye la nu ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 30:2

Shanhte gaw ngai kaw hpaji n hpyi ai sha, karum la lam a matu Egutu mung de sa ma ai. Shanhte gaw shanhte hpe makawp maga la na matu Egutu hpe ra marit nga ma ai, dai rai nna shanhte gaw Egutu hkawhkam wa hpe kam hpa nga ma ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 43:1

Israela e, nang hpe hpan da sai dai Madu gaw, “Hkum hkrit et-ngai nang hpe hkye la na nngai. Na a mying hte ngai nang hpe shaga ni ai-nang gaw nye a rai nga ndai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

YEREMIA 14:10

Dai Madu gaw ndai amyu masha ni hte seng nna, “Shanhte gaw ngai kaw nna hprawng mat wa na ra sharawng ma ai; shanhte gaw tinang hkum ni hpe hkang lu na mara ai n rai. Dai majaw, ngai gaw shanhte hpe awng sharawng nga nngai n rai. Shanhte galaw shut kau sai mara ni hpe ngai dum nga nna shanhte a yubak ni a majaw shanhte hpe ari jaw na we ai,” nga nna ngai hpe tsun ai.

YEREMIA 42:20

nanhte galaw maw mawn nga ai si chye ai shut hpyit amu hpe sadi jaw nga nngai. Nanhte a matu dai Madu anhte a Karai Kasang hpe hpyi lajin ya na, nanhte ngai hpe hpyi nem shangun myit dai; shi hkang da ai lam shagu hpe nanhte galaw shatup na ga ai nga nna ga sadi tawn da myit dai.

YEREMIA 51:9

Dai mung hta shanu nga ai maigan masha ni gaw, ‘Babelon hpe karum la na matu anhte shakut ga ti mung, dai gaw grai hpang hkrat mat sai. Ya chyawm gaw anhte tawn kau da nna tinang a buga dum nta de wa mat saga. Karai Kasang gaw shi a chyalai n-gun mahkra hte Babelon hpe ari jaw nu ai, dai mung hpe atsai awai shamyit kau nu ai,’” ngu nna tsun ma ai.

YEREMIA 7:15

Na a makyin jinghku ni rai nga ai Israela amyu masha ni hpe ngai shaden kau we ai zawn nang hpe mung nye a myi man kaw nna shaden kau na we ai. Dai Madu ngai nan tsun ni ai.”

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

EZEKELA 16:23

Tsaw Htum ai dai Madu gaw, “Nang gaw dingnye hkrum nga ndai! Dingnye hkrum nga nit dai! Nang gaw dai shut hpyit ai n hkru ai amu mahkra hpe galaw nit dai, dai hpang,

EZEKELA 18:2

“Israela mungdan hta nga ai amyu masha ni bai atsun tsun re ai ndai ga shagawp gaw hpa wa rai nga a ta? ‘Kanu kawa ni gaw hkri ai sabyi si ni sha ma ai, Rai ti mung, kashu kasha ni gaw hkri ai namchyim lu ma ai.’

EZEKELA 18:25

“Rai ti mung, nanhte gaw, ‘Dai Tsaw Htum ai Madu galaw ai amu gaw n teng n man nga ai,’ nga nna tsun myit dai. Dai rai nna Israela amyu masha ni e, ngai tsun ai ga hpe madat mara mu. Ngai galaw nga ai amu ni a lam n teng n man nga ai ngu nna nanhte myit nawn nga myit ni? Nanhte a lam mahtang n ding n man nga malit dai.

EZEKELA 34:6

Dai rai nna, nye a sagu ni gaw tsaw ai kawng ni hte bum ntsa hkan e dam hkawm nga ma ai. Dai ni gaw ga ntsa ting hta bra hkawm nga nna shanhte hpe hkan yu, tam sawk shakut ai wa langai mi mung n nga nga ai.

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

HOSEA 11:2

Rai ti mung shi hpe ngai shaga magang, ngai kaw na shi kayin mat wa magang rai nga ai. Nye a amyu masha ni Bala hpe shagu hkungga nawng ya ma ai; shanhte gaw hpara sumla ni hpe manam pyaw ai baw nat nawng ma ai.

HOSEA 5:7

Shanhte gaw dai Madu hta sadi n dung nga manu ai; shi gaw shanhte a ma ni hpe n madu nga ai. Dai rai nna, ya chyawm gaw shanhte hte shanhte a lamu ga ni kade n na yang jahten kau hkrum na mara ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

HOSEA 7:3

Dai Madu gaw ning nga nna tsun ai: “Masha ni gaw shanhte a n hkru ai maw mawn lam hte hkawhkam wa hte shi a du salang ni hpe masu hkalem ma ai.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

HOSEA 9:17

Shanhte gaw shi a ga hpe n madat kau ya ma ai majaw ngai daw jau ai Karai Kasang gaw shi a amyu masha ni hpe ningdang kau na ra ai. Shanhte gaw masha amyu baw ni a man e brak hkawm ai ni tai mat na mara ai.

YONA 1:10

Yona gaw matut nna dai Madu kaw na shi hprawng mat wa ai lam shanhte hpe tsun dan wu ai. Sanghpaw masha ni hkrit gari mat ma ai hte shi hpe, “Dai gaw hkrit hpa amu langai rai nga a hka!,” ngu nna tsun ma ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

1 YAWHAN 1:10

Anhte yubak n galaw saga ai, nga nna tsun ga yang gaw anhte gaw Karai Kasang hpe masu ai wa re ngu nna shadu ai lam rai nna shi a mungga anhte hta n rawng mat sai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.