HOSEA 7:10 - Jinghpaw Common Language Bible 2009

¹⁰ Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

Jinghpaw Hanson Version Bible

¹⁰ Israela a gumrawng gumtawng ai gaw, tinang a man e dawdan ai sakse tai timung, shanhte gaw dai daram hkrum ninglen, tinang a Karai Kasang Yehowa hpang de n wa ai hte, shi hpe n tam ma ai.

HOSEA 7:10 ပူးပေါင်းရင်းမြစ်များ

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 14:2

Hpaji rawng nna shi hpe nawku daw jau ai ni nga dam ai rai yang, dai hpe mada yu na matu dai Madu gaw sumsing lamu kaw nna shinggyim masha ni hpe gum yu nga ai.

SHAKAWN KUNGDAWN 53:2

Shi hpe nawku daw jau na hte hpaji rawng nga ai ni kadai rai tim nga dam ai rai yang, dai hpe mada yu na matu, Karai Kasang gaw sumsing lamu kaw nna shinggyim masha ni hpe gum yu nga ai.

GA SHAGAWP 27:22

Angawk ai wa hpe si na daram nang gayat tim shi a angawk ai myit hpe nang gayat shapraw kau ya lu nga ai n rai.

ESAIA 9:12

Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 3:3

Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

HOSEA 7:7

“Shanhte a pawt sindawng ai gaw kahtet kang nga ai rai nna, shanhte gaw shanhte a up hkang du ni hpe sat kau ma ai. Shanhte a hkawhkam ni langai hpang langai lagyim sat kau hkrum nga manu ai, rai ti mung kadai mung karum la na matu ngai kaw akyu n hpyi ma ai.”

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

ZEHKARIA 1:4

Nanhte a nji nwa ni zawn hkum rai myit. Myihtoi ni gaw moi prat e shanhte hpe n hkru n hkra ai hku asak n hkrung na matu mung, yubak kap ai asak hkrun lam ni hpe kau da na lam mung, ndai nye a mungga hte shanhte hpe tsun ma ai. Rai ti mung shanhte mahtang nye a ga hpe n na ya ai hte n madat n mara ma ai.

ROMA 3:11

Chye chyang ai wa langai mi mung n nga ai, Karai Kasang hpe nawku ai wa mung n nga ai.