HOSEA 6:8 - Jinghpaw Common Language Bible 2009

⁸ Gilead mare gaw n hkru ai masha ni hte sai jahkaw ai masha ni hte hkrai hpring ai mare rai nga ai.

Jinghpaw Hanson Version Bible

⁸ Gilead mare gaw, n shawp ai amu galaw ai ni a mare rai nga ai; sai galu ai lagaw hkang hkrai rai nga ai.

HOSEA 6:8 ပူးပေါင်းရင်းမြစ်များ

2 SAMUELA 20:8

Shanhte gaw Gibeon mare na lunghtawn kaba de du jang, Amasa sa tau la wu ai. Yoab chyawm gaw hpyen majan rawt na matu hpyen palawng sumraw la nna n-ga hta nhtu bang nhtawm dai hpe shingkyit hta noi da wu ai. Shing rai shawng de sit sa wa yang nhtu hkrat mat lu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

SHAKAWN KUNGDAWN 10:8

Shi gaw mara n kap ai masha ni hpe sat na lagyim la nga let, kahtawng ni hkan, shi hkum shi makoi nga ai; shi gaw karum la lam n nga ai ru yak hkrum ai ni hpe kin-yu yu nga ai.

SHAKAWN KUNGDAWN 141:4

Shut hpyit amu galaw mayu ai kaw na mung, n hkru ai masha ni a tara n lang ai amu hta shang lawm nga ai kaw nna mung, ngai hpe shatsan shagang kau ya e. Shanhte a lusha poi ni hta ngai galoi mung n shang lawm nga u ga.

SHAKAWN KUNGDAWN 59:2

N hkru n shawp ai masha ni a lata kaw nna ngai hpe hkye hkrang la e; masha sat amu galaw ai ni a lata kaw nna mung, ngai hpe mawai la e!

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”

HOSEA 12:12

Anhte a kaji kawa Yaku gaw madu jan lu la hkra nga, Mesopotamia mung de hprawng sa mat wa ai. Shi gaw kaga masha wa a matu amu galaw ya let shi a sagu ni hpe bau rem nga ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

YAWSHU 21:38

Gad amyu bawsang a lamu ga hta na shanhte lu la ai mare ni gaw Gilead mung na Ramot hte de a udat shara lamu ga (Hprawng shingbyi na mare langai ngai), Mahanim,