HOSEA 6:7 - Jinghpaw Common Language Bible 2009

⁷ “Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

Jinghpaw Hanson Version Bible

⁷ Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

HOSEA 6:7 ပူးပေါင်းရင်းမြစ်များ

NINGPAWT NINGHPANG 3:11

Karai Kasang gaw, “Nang singgu shakrin rai nga ndai hpe kadai wa tsun dan a ta? Hkum sha ngu nna nang hpe ngai tsun da ai hpun hta na asi hpe nang sha kau nu ni?,” nga nna san wu ai.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

2 HKAWHKAM 17:15

Shanhte gaw shi a matsun maroi ga ni hpe madat mara na matu ningdang kau nhtawm shi hte shanhte a kaji kawa ni hte tawn da ai ga shaka hpe n hkan shatup ai hte shi a shadum jahprang ai ga ni hpe shanhte n kaw n law di kau ma ai. Shanhte gaw manu n dan ai hpara sumla ni hpe nawku nhtawm tinang hkum hpe manu shagrit kau ma ai; shanhte gaw grup yin masha amyu baw ni a htung lailen ni hta hkan nhtawm shanhte a arawn alai ni hpe len n la na matu dai Madu a hkang da ai ga ni hpe mung n madat nga ma ai.

YOBA 31:33

Kaga masha ni gaw shanhte a yubak mara ni hpe makoi shakut ma ai; rai ti mung, ngai chyawm gaw galoi mung makoi ip da ai n rai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

YEREMIA 3:7

Shi gaw ndai amu yawng galaw ngut ai hpang, ngai hpang de kaja wa nhtang wa na, ngai myit nawn kau nngai. Rai ti mung, shi nhtang wa ai n rai, sadi n dung ai shi a kana Yuda gaw dai lam yawng hpe mu nu ai.

YEREMIA 31:32

Dai ga shaka gaw ngai shanhte hpe Egutu mung kaw nna lata hte dun wa nhtawm shanhte hpe woi shapraw wa ai shaloi, shanhte a kaji kawa ni hte tawn da ai ga shaka zawn n rai. Ngai gaw shanhte a matu madu wa zawn rai nga ti mung, shanhte gaw dai ga shaka hpe run kau ma ai.

YEREMIA 34:18

Yuda mung hte Yerusalem na du salang ni hte hpawn hkawhkam htingnu na du salang ni, hkinjawng ni hte ningbaw ni yawng gaw lahkawng brang di nna kahtam ga da ai dumsu kasha lapran hku hkawm lai wa let ngai hte ga shaka tawn da ma ai. Rai ti mung, shanhte gaw dai ga shaka hpe jahten kau nna de a ga matsun ni hpe n hkan ma ai. Dai majaw, shanhte dumsu kasha hpe lahkawng brang di kahtam ga kau ma ai zawn ngai mung ndai amyu masha ni hpe dai amu shapraw dan na we ai.

YEREMIA 5:11

Israela hte Yuda amyu masha ni gaw ngai hpe htum hkra gumle gumlau galaw masai. Dai Madu ngai nan tsun ni ai,” ngu wu ai.

HOSEA 5:7

Shanhte gaw dai Madu hta sadi n dung nga manu ai; shi gaw shanhte a ma ni hpe n madu nga ai. Dai rai nna, ya chyawm gaw shanhte hte shanhte a lamu ga ni kade n na yang jahten kau hkrum na mara ai.

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

ROMA 5:14

Rai ti mung Adam a prat kaw nna Mawshe a prat du hkra si hkrung si htan gaw shinggyim masha ni yawng a ntsa e up nga ai. Dai masha ni gaw Adam zawn Karai Kasang a Tara hpe tawt lai nna yubak galaw ai ni n rai ma ti mung si hkrung si htan gaw shanhte hpe up nga ai. Adam chyawm gaw htawm hpang de paw pru na ra ai wa a hkrang kumla rai nga ai.

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

HEBRE 8:9

Dai ga shaka gaw, shanhte hpe ngai lata hte dun la nna, Egutu mung na woi wa ai shaloi, shanhte a kaji kawa ni hte ngai tawn da ai ga shaka hte bung na ra ai n rai. Shanhte gaw ngai hte tawn da ai ga shaka hta sadi n dung ma ai majaw, ngai shanhte hpe n yu n gawn na nngai, nga nna dai Madu tsun ai.