HOSEA 6:6 - Jinghpaw Common Language Bible 2009

⁶ Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

Jinghpaw Hanson Version Bible

⁶ Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

HOSEA 6:6 ပူးပေါင်းရင်းမြစ်များ

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

SHAKAWN KUNGDAWN 50:8

Na a shagu hkungga ni hte wan nat hkungga ni ngai hpe tut nawng jaw jau ai majaw, ngai nang hpe daru na nngai n rai.

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

HPAJI NINGLI 5:1

Nawku Htingnu de sa wa yang, sadi sahka rai nga u. Dai de sa nna sharin hkam la ai gaw kaja ai hte n kaja ai hpe n chye nna angawk ai ni a nawng jau ai shagu hkungga ni hta grau kaja nga ai.

ESAIA 1:11

Shi gaw, “Nang nye a matu nawng jau nga dingyang rai nga ai dai shagu hkungga mahkra hte hpe ngai ra sharawng nga ai ngu, nang myit nawn da wu ni? Shagu hkungga ni zawn nang wan nat nawng ai sagu la ni hte sau hpum ai na a ra n rawng ai yam nga ni hta jan hkra ngai lu ni ai. Ngai gaw usu ni, sagu ni hte bainam ni a asai n ra nngai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

YEREMIA 7:22

Ngai gaw na a nji nwa ni hpe Egutu mung kaw na shapraw wa ai shaloi, wan nat hkungga ni hte kaga shagu hkungga ni a lam hkang da ai tara hpa mung n tawn da ya nngai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

HOSEA 2:20

Ngai gaw nye a ga sadi hpe shatup na nngai, nang hpe nye a matu shatai da na nngai, nang gaw ngai hpe dai Madu hku yin la na rai ndai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

AMO LAIKA (AMOS) 5:21

Dai Madu gaw, “Ngai gaw nanhte a nawku htung hte seng ai poi ni hpe n dawng nngai; shing re ai lam ni hpe ngai hkam sharang lu na n rai!

MIHKA 6:6

Ngai gaw shi hpe nawku na matu sit sa wa ai shaloi, sumsing lamu a Madu Karai Kasang hpang de hpa baw kumhpa la sa na rai ta? Shi hpe wan nat hkungga nawng jau na matu kaja htum ai dumsu kasha ni hpe woi sa wa ra na kun?

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MAHTE 12:7

‘Dusat hkungga jaw ai lam n rai, matsan dum ai lam hpe sha ngai ra nngai,’ nga nna Chyum laika hta ka da ai ga a lachyum hpe nanhte kaja wa chye mu taw gaw, mara n kap ai ni hpe nanhte mara shagun na myit dai n rai.

MAHTE 5:7

“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

MARKU 12:33

Bai masha gaw, myit kraw lawang mahkra hte, myit hpaji mahkra hte, n-gun lagaw mahkra hte shi hpe tsaw ra lu na rai nna, tinang a htingbu wa hpe tinang a hkum hte maren tsaw ra lu na, nga nna hkang da ai, ndai ga lahkawng gaw Karai Kasang hpe dusat hkungga hte kaga hkungga ni nawng ya ai hta grau kaba ai rai nga ai,” ngu nna shi hpe tsun wu ai.

1 YAWHAN 2:3

Shi a hkang da ai ga hte hpe anhte madat mara hkan nang ga yang gaw, anhte shi hpe chye chyap ai ni rai nga ga ai lam hkrak chye lu ga ai.

1 YAWHAN 3:6

Dai rai nna Hkristu hta e nga ai wa kadai rai ti mung, matut nna yubak n galaw nga ai, yubak naw galaw shanang ai wa kadai rai ti mung, shi hpe n mu n chye wu ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.