HOSEA 6:5 - Jinghpaw Common Language Bible 2009

⁵ Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

Jinghpaw Hanson Version Bible

⁵ Dai re ai majaw ngai shanhte hpe, myihtoi ni a ga hte kahtum gadaw di kau ni ai; nye a n-gup na pru ai ga hte shanhte hpe sat kau ni ai: ngai jeyang ai lam gaw, htoi tu ai nhtoi zawn, rai nga ai.

HOSEA 6:5 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

1 HKAWHKAM 14:6

Rai ti mung dai numsha chyinghka lam kata de shang wa nga ai hpe Ahiya na jang, shi gaw, “Shang wa rit. Nang Yeroboam a madu jan rai nga ndai hpe ngai chye nngai. Nang hpa majaw kaga masha langai mi zawn masu dan nga n ta? Ngai gaw na a matu n kaja ai shiga lu nga nngai.

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

1 HKAWHKAM 18:17

Ahab shi hpe mu jang, Ahab gaw, “Israela mung hta ru yak tsin-yam tsindam sawng hkra jaw ai wa gaw nang she rai nga n hka i!,” ngu nna tsun wu ai.

1 HKAWHKAM 19:17

Hazaela a lata hta si ari jaw hkrum ti mung lawt wa ai kadai hpe mung Yehu sat kau na ra ai. Yehu a lata kaw na lawt wa ai kadai hpe mung Elisha e sat kau ai hkrum na rai wu ai.

2 HKAWHKAM 1:16

shi hpe, “Da ndai gaw dai Madu tsun ai ga rai nga ai: ‘Israela mung hta nang san yu na karai kaga n nga mat sam nga ndai, Ekron karai Balazebu hpe sa san yu na matu kasa ni hpe nang shangun dat nga ndai majaw, nang hkam kaja wa lu na ndai n rai; nang si na rin dai!’”

2 HKAWHKAM LABAU 21:12

Myihtoi Elia mung Yehoram hpang de ning ngu nna laika langai ka shagun dat wu ai: “Nang gaw na nwa Yehoshahpat hte na nji Hkawhkam Asa yan a kasi hta n hkan nga ndai majaw dai Madu na a kaji kawa Dawi a Karai Kasang gaw nang hpe daw dan na ra ai.

YOBA 15:30

shanhte gaw nsin kaw nna hprawng lawt lu na ma ai n rai. Shanhte gaw lakung lakying ni hkru krawp mat ai hpun zawn tai mat nna, de a apu ni nbung e bung ahpawt kau hkrum na mara ai.

YOBA 34:10

Myit su salang ni e, nye a ga madat mu! Chyahtum Chyalai N-gun Rawng Ai Karai Kasang gaw shut ai amu galaw na rai wu ni?

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 37:6

Na a ding man ai lam hpe jan pungding shingkang zawn, shi shapraw dan na ra ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

YEREMIA 1:18

Yeremia e, madat u! Ndai mungdan na masha hkum shagu hte Yuda hkawhkam ni, du salang ni, hkinjawng ni hte amyu masha ni gaw nang hpe gumlau na mara ai. Rai ti mung ngai gaw nang hpe shanhte hpe ninghkap na n-gun dai ni jaw ya nga nngai; nang gaw bunghku kum ai mare, hpri shadaw hte magri mang shakum zawn tai na ra ai. Nang hpe makawp maga na matu ngai gaw nang hte rau rai nga nngai majaw shanhte nang hpe dang kau lu na ma n rai. Dai Madu ngai nan tsun ni ai,” ngu nna tsun wu ai.

YEREMIA 13:13

Dai hpang, shanhte hpe tsun u, Dai Madu ngai nan Dawi a aru arat ni rai nga ai hkawhkam ni, hkinjawng ni, myihtoi ni hte Yerusalem mare masha ni yawng sabyi ntsin nang mat ai aten du hkra, ndai mungdan hta nga ai amyu masha ni hpe sabyi ntsin hte jahpring da na we ai.

YEREMIA 23:29

Nye a mungga gaw wan zawn mung, nlung ni hpe adup ga ai sumdu zawn mung rai nga ai.

EZEKELA 11:4

Ya chyawm gaw, si chye ai masha wa e, shanhte hpe jahpoi kau u,” ngu nna tsun wu ai.

EZEKELA 3:9

Ngai gaw nang hpe ngang ai lunghkrung hte ja ai lung seng zawn shaja ya na nngai; ndai gumlau ai masha ni hpe hkum hkrit et,” nga nna tsun wu ai.

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

ZEHPANI 3:5

Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.

KASA 7:31

Mawshe gaw shi mu lu ai hpe mau nna dai hpe atsawm sha yu yu na nga makau de sit sa wa yang, dai Madu a nsen ngoi pru ai gaw:

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

EHPESU 6:17

Bai hkye hkrang la ai lam hpe hpri gup chyawp zawn, hkap chyawp la nna, dai Wenyi e jaw ya ai Karai Kasang a mungga ngu ai nhtu hpe ahpye nga mu.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 2:16

Dai re ai majaw ya jang na a yubak mara ni kaw na kayin wa rit! Dai n rai yang, ngai alawan nang kaw du nna, nye a n-gup hta na pru ai ntawng nhtu hte shanhte hpe gasat kau na mawe ai.

SHINGRAN 9:15

Dai rai nna dai lamu kasa mali gaw, sharen da ai kaw na raw dat ai hkrum ma ai. Shanhte gaw, shinggyim masha ni hpe htam masum na htam mi sat kau na nga, ahkying, nhtoi, shata, shaning a matu hkyen tawn da ai ni rai nga ma ai.

SHINGRAN 9:21

Masha sat ai amu hta na mung, mandan lakle amu, num la shut hpyit ai amu hte lagu lagut amu hta na mung, shanhte myit malai n lu ma ai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.

1 SAMUELA 15:32

Samuela gaw, “Hkawhkam Agag hpe ndai yang, ngai hpang de woi wa ya mi,” ngu nna hkang dat wu ai. Agag mung shi kaw hkrit gari ai hte sa wa nhtawm, “Si hkrung si htan re ai laja lana hkrit hpa gaw ngut boi mat sai,” ngu nna shi kraw hta myit nawn la wu ai.

1 SAMUELA 15:33

Samuela chyawm gaw, “Na a nhtu kanu law law a kasha ni hpe sum kau shangun nit dai zawn, ya na a kanu hpe mung kasha sum kau ai kanu tai kau shangun na rai sai,” ngu nna tsun wu ai. Shi gaw Gilgala shara na tawn hkungri man e Agag hpe kahtum kadaw di kahtam azat kau wu ai.