HOSEA 6:4 - Jinghpaw Common Language Bible 2009

⁴ Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

Jinghpaw Hanson Version Bible

⁴ “Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

HOSEA 6:4 ပူးပေါင်းရင်းမြစ်များ

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

YEREMIA 34:15

Nang gaw nhtoi loi hkring mi lai mat wa ai hpang, na a myit galai mat nhtawm ngai sharawng awng ai amu galaw myit dai. Nanhte yawng hte gaw na a hpu nau Israela ni hpe shalawt dat na matu myit hkrum shagrin da nga myit dai; nang gaw ngai hpe nawku ai shara Nawku Htingnu kata nye a man e ga shaka tawn da nit dai.

YEREMIA 5:23

Rai ti mung, amyu masha ni e, nang gaw du ja ai hte gumlau nga ndai; nang gaw ngai kaw nna kayin mat wa ai hte ngai hpe kau da nit dai.

YEREMIA 5:7

Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HOSEA 13:3

Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

MAHTE 13:21

Rai ti mung kraw hta e ru sung sung n jung ai majaw, shanhte na na n grin ma ai. Shing rai dai mungga a majaw ru tsang ai hte zingri zingrat hkrum jang kalang ta htak mat ai ni hte bung nga ai.

TARA AGYI 3:12

Israela amyu masha ni gaw dai Madu hpe yubak galaw shut kau manu ai. Dai lam a majaw dai Madu gaw Moba Hkawhkam Eglon hpe Israela ni hta grau n-gun shaja ya wu ai.