HOSEA 6:10 - Jinghpaw Common Language Bible 2009

¹⁰ Ngai gaw matsat shabat re ai amu langai Israela mung hta mu ni ai: nye a amyu masha ni gaw shanhte a hkum hpe hpara sumla nawku let awu asin di kau ma ai.

Jinghpaw Hanson Version Bible

¹⁰ Israela nta kata e matsat shabat amu ngai mu nngai; Ehprim amyu gaw shawa num tai nna, Israela gaw awu asin di kau ai hkrum sai.

HOSEA 6:10 ပူးပေါင်းရင်းမြစ်များ

1 HKAWHKAM 12:8

Rai ti mung shi chyawm gaw asak kaba sai masha ni a hpaji jaw ga hpe hpa n sawn kau ya ai hte ya e shi a hpaji jaw masha tai nga sai shi hte rau kaba wa ai shabrang ni hpang de sa nna,

1 HKAWHKAM 15:30

Yeroboam gaw shi shut kau ai yubak mara ni hte shi nan Israela hpe yubak galaw shangun let dai Madu Israela a Karai Kasang hpe masin pawt shangun nga wu ai majaw ndai zawn byin wa nga sai.

2 HKAWHKAM 17:7

Israela masha ni gaw Egutu hkawhkam a lata kaw na hkye mawai la ai hte Egutu mung kaw nna shanhte hpe woi shapraw wa ai dai Madu shanhte a Karai Kasang hpe shut hpyit kau nna karai kaga ni hpe nawku nhtawm,

YEREMIA 18:13

Dai Madu gaw, “Shawng de dai zawn re ai amu galoi mung byin yu sai rai yang, masha amyu baw shagu hpe san yu mu. Israela amyu masha ni gaw hkrit hpa amu galaw manu ai!

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 3:6

Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

EZEKELA 23:5

Shi gaw nye a matu rai nga ti mung, Ohola gaw shawa num matut galaw ai hte Asuri mung na shi a sumtsaw ni hpe ra gasit ai myit shi hta hpring nga lu ai.

EZEKELA 23:7

Shi gaw dai Asuri du salang ni yawng a matu shawa num tai ya nu ai; Asuri hpara sumla ni hpe nawku ai hku nna shi a ra gasit ai hpe shi hkum nan awu asin di kau wu ai.

HOSEA 4:11

Dai Madu gaw, “Sabyi ntsin dingsa nnan lahkawng yan gaw nye a amyu masha ni a machye machyang myit ni hpe shamak kau ya nga ai!

HOSEA 4:12

Shanhte gaw hpun tawng langai mi kaw na shingran ni hpe hpyi nga ma hka! Shingna langai gaw shanhte chye mayu ai hpe tsun dan nga a hka! Shanhte ngai kaw na pru mat wa masai. Shawa num tai ai numsha langai zawn, shanhte a hkum ni hpe karai shaje hpang de nawng ya kau nga masai.

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

HOSEA 5:3

Israela gaw hpa hte bung nga ai hpe ngai chye nngai. Shi gaw nye a man kaw na makoi yen lu na n rai. Shi gaw sadi n dung mat nu ai, shi a amyu masha ni ngai hpe nawku na n htuk nga ai.”