HOSEA 6:1 - Jinghpaw Common Language Bible 2009

¹ Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

Jinghpaw Hanson Version Bible

¹ “Sa marit, Yehowa hpang de bai wa ga; shi amya kau timung, bai shamai ya na mi ai; jahpye kau timung, nma kayawp ya na mi ai.

HOSEA 6:1 ပူးပေါင်းရင်းမြစ်များ

2 HKAWHKAM LABAU 30:6

Hkawhkam wa hte shi a du salang ni hkang dat mu ai hte maren, shiga shana ai ni gaw Yuda hte Israela mung ting de jawt hkawm let ning ngu saw shaga dat ma ai: “Israela amyu masha ni e, nanhte gaw Asuri e gasat ka-up la ai kaw na naw hkrung nga lu ai ni rai myit dai. Dai re ai majaw dai Madu Abraham, Isak hte Yaku a Karai Kasang hpang de ya kayin wa marit; shi nanhte kaw kayin wa na ra ai.

YOBA 16:9

Masin kahtet ai a majaw, Karai Kasang gaw ngai hpe ashep ashin di nga ai; shi gaw ngai hpe n ju n dawng ai myit hte azi yu nga ai.

YOBA 22:23

Rai sa, nang gaw Karai Kasang hpang de grit nem ai myit hte nhtang wa lu na rai ndai; na a dum nta hta galaw hkrup ai n hkru ai amu yawng mayawng hpe jahtum kau u.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

SHAKAWN KUNGDAWN 30:7

Madu e, nang gaw nye a ntsa e mai kaja nga nit dai; Nang gaw ngai hpe bum ntsa e de da ai hpyen dap langai mi hpe zawn makawp maga da nit dai. Rai ti mung, na a myi man hpe makoi kau ai shaloi, ngai hkrit kahpra mat nngai.

SHAKAWN KUNGDAWN 6:2

O Madu e, ngai hki ba la nga nngai, ngai hpe matsan dum la e law! Ngai tsep kawp kya gumba mat nga nngai majaw ngai hpe n-gun jaw ya e.

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

HPAJI NINGLI 3:3

sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

ESAIA 17:7

Dai nhtoi du ai shaloi, amyu masha ni gaw shanhte a Hpan Madu, Israela a chyoi pra ai Karai Kasang hpang de karum la na matu kayin wa na mara ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 3:22

Dai Madu kaw na kayin mat wa ai nanhte yawng hte e, nhtang wa marit; shi gaw nang hpe shamai shatsai nna nang hpe sadi dung shangun na ra ai. Nang gaw, “Rai sa, shi gaw anhte a Karai Kasang rai nga ai majaw, anhte dai Madu hpang de sa wa nga ga ai.

YEREMIA 30:12

Dai Madu gaw shi a amyu masha ni hpe, “Nanhte a ningma ni gaw tsi la n lu nga ai, nanhte machyi hkrum ai nma ni shamai shatsai la lu nga ai n rai.

YEREMIA 30:17

Ngai gaw nanhte hpe kalang mi bai hkam kaja shangun na nngai; Nanhte a gumlau hpyen ni, ‘Ziun gaw kau da ai hkrum nga ai; kadai mung shi hpe lanu lahku ai n rai,’ nga nna tsun ma ti mung, ngai gaw nanhte a ningma ni hpe shamai shatsai ya na we ai. Dai Madu ngai nan tsun ni ai,” nga ai.

YEREMIA 33:5

Nkau mi gaw Babelon masha ni hpe htim gasat ma ti mung nye a pawt sindawng ai hte masin kahtet ai hta ngai adup sat ai masha ni a moi mang ni hte nta hkan jahpring da na nngai. Ndai mare masha ni galaw ai n hkru ai amu ni a majaw ngai gaw ndai mare kaw nna myi man kayin mat wa na nngai.

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

YEREMIA 50:4

Dai Madu gaw, “Dai aten du ai shaloi, Israela hte Yuda masha ni gaw hkrap ngu hkrap ngoi ai hte wa nna shanhte a Karai Kasang rai nga ai ngai hpe wa tam na mara ai.

YEREMIA 50:5

Shanhte gaw Ziun de sa wa ai lam hpe san na mara ai, dai shara de du sa wa na mara ai. Shanhte gaw ngai hte htani htana na ga shaka tawn da na mara ai, dai gaw galoi mung hten run mat na ra ai n rai.

SHARUNG SHAYAWT 3:11

Shi gaw ngai hpe lam dingyang hkan shachyut nhtawm ngai hpe amya je nna ngai hpe tawn kau da nga ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

HOSEA 12:6

Dai rai nna ya chyawm gaw, Yaku a amyu matu mara ni e, nanhte a Karai Kasang hpe kam hpa nga mu; shi kaw nhtang wa mu. Teng man ai hte sadi dung nga let, nanhte a Karai Kasang galaw na amu hpe myit n yaw ai sha ala nga mu.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

JAW JAU 14:48

Dai nta hpe ing gade nnan chya ngut ai hpang, hkinjawng wa sa yu yang nshu lamu n jat wa sayang gaw nshu lamu tsep kawp la kau sai majaw nta dai hpe san seng sai ngu na rai nga ai.

ZEHPANI 2:1

Kaya n chye ai amyu baw e,

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.