HOSEA 5:8 - Jinghpaw Common Language Bible 2009

⁸ Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

Jinghpaw Hanson Version Bible

⁸ Gibea mare hta pahke, Rama mare hta pahtau, dum mu; Bet-awen shara e jahtau garu mu; Ben-yamin e, hpang de mada yu u.

HOSEA 5:8 ပူးပေါင်းရင်းမြစ်များ

2 SAMUELA 21:6

Dai re ai majaw shi a shadang sha sanit hpe ap ya mi; dai Madu lata san da sai Hkawhkam Shawlu a mare ngu na Gibea e dai Madu a man hta shanhte hpe noi da na ga ai,” ngu nna htan ma ai. Hkawhkam wa mung, “Ngai shanhte hpe ap ya na de ai,” ngu nna htan wu ai.

1 HKAWHKAM 12:29

Shi gaw aja usu langai mi hpe Behtela e mung, bai kaga langai mi hpe Dan mare e mung tawn da wu ai.

ESAIA 10:29

Shanhte gaw bum lam hku ga lai wa nna, Geba mare e lana mi nga shalai kau ma hka! Rama mare hta nga ai masha ni gaw hkrit kajawng nga ma ai, Hkawhkam Shawlu a daidaw buga Gibea e nga ai masha ni mung hprawng mat nga masai.

YEREMIA 4:5

Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

HOSEA 10:5

Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 4:15

“Nanhte Israela amyu masha ni gaw ngai hta sadi n dung nga myit ti mung, Yuda ni chyawm gaw dai zawn nan re ai mara n galaw hkrup nga mu ga. Gilgala mare e hkum nawku myit; Betawen mare e mung hkum nawku myit; ahkrung nga ai dai Madu a amying hta ga sadi ni hkum tawn da myit.

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:15

Ziun Bum hta pahtau dum mu; lusha gam na nhtoi hkang dat ai hte shawa hpawng shaga da mu!

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

YAWSHU 7:2

Yawshu gaw Yerihko mare kaw nna Behtela a sinpraw maga Betawen makau na Ai mare de masha nkau mi hpe shangun dat nhtawm dai lamu ga hpe sa maram yu na matu hkang dat wu ai. Shing rai shanhte sa maram yu ngut ai hpang,

TARA AGYI 5:14

Shanhte gaw Ehprim kaw nna kadit de yu sa nhtawm, Benyamin amyu bawsang hte de a amyu masha ni a hpang ningdim e hkan ma ai. Mahkira kaw na hpyen du ni pru nhtawm; Zebulun kaw na du salang ni yu wa nga ai.

1 SAMUELA 15:34

Dai hpang, Samuela gaw Rama de wa nna, Shawlu mung Gibea na shi a dum nta de wa mat wa wu ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.

1 SAMUELA 8:4

Dai hpang, Israela ningbaw ni yawng jawm hkrum zup nhtawm Rama e nga ai Samuela hpang de sa nna,