HOSEA 5:6 - Jinghpaw Common Language Bible 2009

⁶ Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.

Jinghpaw Hanson Version Bible

⁶ Shanhte gaw tinang a sagu yamnga hpung ni hpe gawt let, Yehowa hpe sa tam timung, shi hpe n mu ma ai: shi shanhte hte tsan gang mat sai.

HOSEA 5:6 ပူးပေါင်းရင်းမြစ်များ

PRU MAT 10:9

Mawshe gaw, “Anhte a ma kaji ni, asak kaba sai gumgai dingla ni hte hpawn anhte yawng hkra sa na ga ai. Anhte gaw dai Madu hpe shagrau hkungga ai poi galaw na ga ai majaw anhte a shayi shadang sha ni, sagu, bainam hte dumsu yam nga hpung ni hte nawng woi sa wa na ga ai,” ngu nna htan wu ai.

GA SHAGAWP 1:28

Shaloi e, nang gaw hpaji byeng-ya hpe shaga wa na rin dai; rai ti mung, ngai htan ya na nngai n rai. Nang gaw ngai hpe shara shagu hkan tam ti mung, ngai hpe mu tam na ndai n rai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

GA SHAGAWP 21:27

Tara n lang ai masha ni dai Madu hpe shagu hkungga nawng jau ya ai shaloi, shi dai hpe n dawng nga ai; dai hta grau nna n hkru ai myit akyang hte shanhte nawng jau ai rai yang grau n dawng nga ai.

Shawlumon A Mahkawn Ga 5:6

Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 11:11

Ya chyawm gaw, dai Madu ngai nan shanhte kaw hten byak lam du shangun ai hte sadi jaw nngai, shanhte hprawng lawt lu na mara ai n rai. Shanhte gaw karum la na matu ngai kaw hpyi jahtau ma ai shaloi, ngai shanhte a nsen hpe madat ya na nngai n rai.

YEREMIA 11:14

Yeremia e, ndai amyu masha ni a malai, ngai kaw akyu hkum hpyi et; ngai kaw hkum hpyi lajin nga et. Shanhte ru yak hkrum ai shaloi karum la na matu ngai hpe shaga ti mung, shanhte a ga hpe ngai n madat ya na nngai,” ngu nna tsun wu ai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

SHARUNG SHAYAWT 3:44

Anhte a akyu hpyi ga nang hpang de hkrang lung wa na matu laru sumwi ni grai htat nga ai.

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

EZEKELA 8:6

Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

AMO LAIKA (AMOS) 8:12

Amyu masha ni gaw Jum Nawng kaw nna Ka-ang Panglai du hkra, dingdung kaw nna sinpraw du hkra ningwan hkawm na mara ai. Shanhte gaw dai Madu kaw na mungga hpe shara shagu hkan tam na mara ai, rai ti mung shanhte dai hpe mu tam na ma ai n rai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

LUKA 5:16

Shi chyawm gaw nam mali de lagyim sa mat wa nna, akyu hpyi nga ai.

YAWHAN 7:34

Shaloi nanhte ngai hpe tam na marin dai, rai ti mung nanhte ngai hpe mu na myit dai n rai, hpa majaw nga yang, ngai nga ai shara de nanhte n du lu na myit dai,” ngu mu ai.