HOSEA 5:5 - Jinghpaw Common Language Bible 2009

⁵ Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

Jinghpaw Hanson Version Bible

⁵ Israela a gumrawng gumtawng ai gaw, tinang a man e dawdan ai sakse tai wa ai; dai re ai majaw, Israela hte Ehprim gaw, tinang a n hkru n hkra ai hta ahtu kataw na mara ai; Yuda amyu mung, shan hte rau ahtu kataw na ra ai.

HOSEA 5:5 ပူးပေါင်းရင်းမြစ်များ

GA SHAGAWP 11:21

N hkru ai masha ni ari hkrum na hpe nang teng tup myit hkawn lu ti mung; ding hpring ai masha ni chyawm gaw lawt wa na mara ai.

GA SHAGAWP 11:5

Myit malang ai ni gaw mai kaja ai masha wa a asak hkrun lam hpe shatsawm jahtap ya ti mung; tara n lang ai masha wa gaw shi nan hkrat sum ai lam hpe shabyin la na ra ai.

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

GA SHAGAWP 24:16

Ding hpring ai masha wa gaw gade lang kataw ti mung, shi gaw tut nawng e, bai rawt wa lu nga ai; rai ti mung, tsin-yam tsindam gaw tara n lang ai wa hpe jahten sharun kau nga ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 44:9

Hpara sumla tawk ai ni gaw kaman lila rai nga ma ai, shanhte manu shadan ai hte tawk da ai karai ni gaw asung n shang nga ai. Ndai karai ni hpe nawku ai ni gaw myi kyaw ai hte hpa mung n chye ma ai-shanhte gaw kaya kahpa hkrum na mara ai.

ESAIA 59:12

Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

HOSEA 4:5

Nanhte gaw shani shana shut hpyit nga myit dai, myihtoi ni gaw nanhte hta grau nna kaja nga ai n rai. Ngai gaw nanhte a kanu Israela hpe jahten kau na nngai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

HOSEA 8:14

“Israela amyu masha ni hkawhkam htingnu ni gap ma ti mung, shanhte a htingnu Gap Ya Ai Wa hpe malap kau manu ai. Yuda masha ni mare bunghku ni kum da ma ai; rai ti mung ngai gaw wan hpe dat dat nna dai gaw shanhte a hkawhkam htingnu ni hte mare ni hpe hkru kau na ra ai.”

AMO LAIKA (AMOS) 5:2

Israela hkawn sek gaw kataw mat sai, Galoi mung bai rawt lu na n rai! Shi gaw ga ntsa e kabai tawn da hkrum nga sai, Kadai mung shi hpe karum sharawt la ai n rai.

MAHTE 23:31

Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.