HOSEA 5:3 - Jinghpaw Common Language Bible 2009

³ Israela gaw hpa hte bung nga ai hpe ngai chye nngai. Shi gaw nye a man kaw na makoi yen lu na n rai. Shi gaw sadi n dung mat nu ai, shi a amyu masha ni ngai hpe nawku na n htuk nga ai.”

Jinghpaw Hanson Version Bible

³ Ehprim hpe ngai chye nngai: Israela gaw, nye a man na makoi mat lu ai, n rai; Ehprim e, ya pyi nang shawa num tai nna, Israela gaw awu asin hkrum nga ai.

HOSEA 5:3 ပူးပေါင်းရင်းမြစ်များ

ESAIA 7:16

Dai aten garai n du yang pyi, nanhte hpe jahkrit shama ai hkawhkam lahkawng a mung ni gaw shagram da kau ai hkrum na mara ai.

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

ESAIA 7:5

Suri hte rau Israela hte de a hkawhkam wa gaw n hkru ai amu galaw na maw mawn nga ma ai.

HOSEA 1:2

Dai Madu gaw Hosea hku nna Israela hpe shawng nnan ga tsun ai shaloi, shi gaw Hosea hpe, “Nang sa hkungran la su; na a madu jan gaw sadi n dung na ra ai, na a kashu kasha ni mung shi zawn tai na mara ai. Dai hte maren nye a amyu masha ni mung ngai kaw na pru mat wa nna sadi n dung mat nga masai,” ngu nna tsun wu ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 13:5

Ngai gaw nanhte hpe hkun hkraw ai nam mali kata e bau maka wa ni ai.

HOSEA 5:11

Israela gaw dip gamyet sha hkrum ai nni nkri hkrum sha nga ma ai; shi gaw jaw ya na hpa n lu ai ni hpe karum na matu shadut nga ai majaw tara ai hku madu da ai shi a lamu ga hpe shamat kau nu ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 5:9

Ari jaw ai nhtoi gaw du wa nga sai, Israela gaw hten run mat na ra ai. Israela amyu masha ni e, ndai lam teng teng byin wa na ra ai!

HOSEA 6:10

Ngai gaw matsat shabat re ai amu langai Israela mung hta mu ni ai: nye a amyu masha ni gaw shanhte a hkum hpe hpara sumla nawku let awu asin di kau ma ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

HOSEA 8:11

Israela amyu masha ni yubak mara yeng seng kau na matu tawn hkungri grau galaw magang, shanhte a shut hpyit mara galaw shara ni grau law wa magang rai nga ai.

AMO LAIKA (AMOS) 3:2

“Ginding aga ntsa na masha amyu baw yawng hte e, nanhte gaw ngai chye nna lanu lahku la yu sai ni chyu sha rai nga myit dai. Dai gaw nanhte a yubak mara hpe grai hkrit tsang shangun nga ai, dai re ai majaw, ngai gaw de a matu nanhte hpe ari jaw na nngai.”

AMO LAIKA (AMOS) 5:12

Nanhte galaw shut kau ai yubak ni gaw kade sha hkrit hpa rai nga ai hte nanhte shut hpyit kau sai ru hka amu ni kade law la nga ai hpe ngai chye nngai. Nanhte gaw mai kaja ai masha ni hpe zingri zingrat di ai, mayun kumhpa ni la ai hte tara rung ni hta matsan masha ni hpe teng man rap ra ai hku n daw dan nga myit dai.

TARA JAHPRANG 33:17

Usu n-gun mung, hpawlam nrung mung Yosep hta rawng nga ai; Shi a nrung gaw Manashe a matu hkying hkying rai nna, Ehprim a matu mun mun rai nga ai. Dai ni hte masha amyu ni hpe daru nna, lamu ga htum hkra dai ni hpe kanawng sit kau na mu ai.”

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

SHINGRAN 3:15

Nang hpa baw galaw sai lam ngai chye nngai. Nang gaw katsi ai mung n rai, kahtet ai mung n rai nga ndai, nang katsi ai shing n rai kahtet ai langai ngai rai na matu ngai ra sharawng nga nngai!